وه‌زیرێ ناڤخۆ یێ هه‌رێمێ سۆزا چارەکرنا کێشەیێن خەلکێ شنگالێ دده‌ت
گاڤ نيوز:
وەزیرێ ناڤخۆ یێ هەرێما کوردستانێ سۆزا چارەکرنا کێشەیێن خەلکێ شنگالێ دا و شیرەتکارێ جڤاتا رۆحانی یا ئێزدیان دبێژیت: تاکە چارەیا رەوشا خەلکێ شنگالێ، بجهئینانا رێککەفتنا هەولێرێ و بەغدایێ یە.
دکتۆرە ڤیان دەخیل، پەیڤدارا فراکسیۆنا پارتی دیمۆکراتی کوردستان ل پەرلەمانێ ئیراقێ بۆ گاڤ نیوز گۆت: ئەڤرۆ رێبەر ئەحمەد، وەزیرێ ناڤخۆ یێ حكومه‌تا هەرێما کوردستانێ ل گەل لقا 17 یا پارتی دیمۆکراتی کوردستان و ژمارەکا نوینەرێن خەلکێ شنگالێ کۆم بوو و د کۆمبوونێ دا دوپات کر، حکومەتا هەرێمێ ب زویترین دەم دێ کار ل سەر چارەکرنا کێشەیێن خەلکێ شنگالێ كەت، چ ئەو خەلک ل ناڤ کەمپان بیت و چ ژی ڤەگەڕیابیتە شنگالێ.
دەربارەی هەمان بابەت، کەریم سلێمان شیرەتکارێ جڤاتا رۆحانی یا ئێزدیان ب رێکا گاڤ راگەهاند: تاکە چارەیا شنگالێ و تاکە رێیا کو خەلکێ شنگالێ بشێت ڤەگەڕیتە دەڤەرێن خۆ، بجهئینانا رێککەفتنا هەولێرێ و بەغدایێ یە، ژبەر کو تا نوکە هندەک هێز ل شنگالێ هەنە و ئەو هێز ئەگەرن خەلک نەشێت ڤەگەڕیتە دەڤەرێن خۆ.
تُتاح هذه الصورة أيضا في: کوردی