خوارنێن شه‌ڤان مرۆڤى زوو پير دكن
وشه:
خواردن سەرچاوەی ژیان و خۆشی و ناخۆشی مرۆڤە، مرۆڤی تەندروست ئەوەیە بتوانێت كۆنترۆلی خواردنی بكات نەك بەپێچەوانەوە، رەنگە مرۆڤ بەهۆی پێویستی ژیانەوە تووشی جەنجاڵی كات ببێتەوە و كاتی زۆری بەدەستەوە نەبێت بۆ خواردن، بەویش ژەمی خۆراك بكەوێتە درەنگی شەوەوە.
ئەو كاتیش مرۆڤ دەكەوێتە بەر گوشاری شەكەتی و خەوەوە، كە وا دەكات بە خێرایی خواردن بخۆات و بچێت بۆ حەسانەوە و نوستن، رۆژ دوای رۆژ دەبێتە خوێكی رۆژانە، توێژینەوەیەكی نوێ دەری خست كە ئەو خوە دەكرێ وا لە مرۆڤ بكات خێراتر بەرەو پیری و بەتەمەنداچوونەوە بچێت.
كێشەی تەندروستی دروست دەكات وەك قەڵەوی و نەخۆشی دڵ و نەخۆشی شەكرە
توێژەران لە سەنتەری نیشتمانی پزیشكی لە زانكۆی تەكساس لە داڵاس، لە تاقیگە سەرنجیان خستە سەر دوو كۆمەڵە ئاژەڵ، یەكەمیان هەركاتێك ئارەزوویان بكردایە دەیانخوارد و بەو بڕەی دەیانویست، دووەمیش ژەمی دیاریكراویان لە كاتی دیاریكراو پێ دەدرا، بۆیان دەركەوت ئەو ئاژەڵانەی بە رۆژ خواردنیان پێ دراوە 20% زیاتر ژیاون بە بەراورد بەوانەی ئەو كاتەی ویستوویانە خواردوویانە، رێژەكەیش بۆ 35% بۆ ئەوانەی لە كاتی چالاك لە رۆژ خواردوویانە زیادی كرد.
د. ئۆنێكس ئەدیگبۆلا، پزیشكی پسپۆڕ لە شێوازی ژیان دەڵێت، ئەوكاتەی زووتر خواردن دەخۆین، لەشی مرۆڤ كاتی زیاتری بەدەستەوەیە بۆ هەرسكردنی خۆراك و بەكارهێنانی وزەكەی، بەڵام دواخستنی خواردن وا دەكات لەش لە كاتی نوستن هەرسی بكات، ئەوەیش كێشەی وەك بەدهەرسی و گەڕانەوەی ترشەلۆكی گەدە دروست دەكات.
جیا لەوە سەعاتی بایۆلۆجی لەش لە رێگەی دەردانی هۆرمۆنەكانەوە رێك دەخرێت، بە خواردنیش كاریگەر دەبن، بۆیە ئەو كاتەی درەنگ دەخۆیت، نزیك لە كاتی خەوتن، كێشە بۆ سەعاتی بایۆلۆجی دروست دەبێت و وا دەكات خەوت تێكبچێت، ئەوەیش كێشەی تەندروستی دروست دەكات وەك قەڵەوی و نەخۆشی دڵ و نەخۆشی شەكرە، وەك ئەو پزیشكە وای گوت.
تُتاح هذه الصورة أيضا في: کوردی
