یۆنیسێفێ کوشتنا زارۆیەکی ل سنوونێ شەرمزار کر

یۆنیسێفێ کوشتنا زارۆیەکی ل سنوونێ شەرمزار کر

گاڤ نیوز

رێکخراوا یۆنیسێف یا نێڤدەولەتی د بەیانەکێ دا نەرازیبوونا ل دۆر کوشتنا زارۆیەکی د بۆمبەباران تورکیا دا ل سنوونێ دیار کر.

د بەیانا یۆنیسێفێ دا هاتیە، ئەو تووشی شۆکێ بووینە دەربارەی کوشتنا زارۆیەکێ 12 سالی د هێرشا سنوونێ دا ل شنگالێ و ڤێ هێرشێ شەرمزار دکەن.

یۆنیسێف داخواز ژ هەمی ئالیان کر ژی کو ب زویترین دەم پێگری قانوونێن نێڤدەولەتی ببن و ژیانا زارۆیان بپارێزن.

د بەیانا یۆنیسێفێ دا هاتیە ژی، بەردەوام بکارئینانا چەک و تەقەمەنیان ل دەڤەرێن سڤیلان ژیانا زارۆیان دکەڤیتە مەترسیێ دا و د دەما 5 سالێن بووری دا ب کێمی 519 زارۆ ژ ئەگەرێ تەقەمەنیان هاتینە کوشتن یان کێمئەندامبووینە.

دوهی ئێڤاری فرۆکەیێن تورکیا 2 جاران بنگەهێ “ئاساییشا ئێزیدخانێ” ل سنوونێ بۆمبەباران کر و 14 کەس بریندار بووینە و زارۆیەکێ 12 سالی ژیانا خۆ ژ دەست دایە.

تُتاح هذه الصورة أيضا في: کوردی