سێ پەرتۆك هاتنە ئیمزاكرن و بەلاڤكرن
تۆرا لالش:
ل ژێر چاڤدێریا سەفەر یوسف ئافریفی بەرپرسێ نڤیسیگەها رەوشەنبیری یا لقێ 20 یێ پارتی دیموكراتی كوردستان،ل باخچێ نڤیسینگەها لالش مەهەتێ ئاهەنگا ئیمزاكرنا 3پەرتۆكێن نڤیسكار(حاجی علو) هاتنە گێران،ب ئامادەبوونا رێڤەبەرێ پەروەردا شێخان ومیران صباح ئەندامێ نڤیسینگەها رەوشەنبیری و ژمارەكا رەوشەنبیر و كادرێن لقێ دگەل بەرپرسێ ناڤەندا لاوێن كۆمەلگەها مەهەتێ و كەسایەتیێن ئۆلی و جڤاكی ل دەڤەرێ.
ل دەستپێكێ مەهدی حەسەن بەرپرسێ نڤیسینگەها لالش ل مەهەتێ ب خێرهاتنا مێَهڤانان كر و رێزگڕتن دەقیقەك ڕاوستیان بێ دەنگ بۆ گیانێ شەهیدێن كورد و كوردستانێ و سەروەرێ وان بارزانیێ نەمر و كاك ئەدریسێ جوانە مەرگ،لدووڤدا بەرپرسێ نڤیسینگەها رەوشەنبیری و كارگێرێ ل لقێ 20 پەیڤەك پێشكێشكر و تێدا تیشك خستە سەر گرنگیا پەرتۆكا و خووندنێ و دەست خۆشی ل هەڤالێن لالش كر و هەروەسا ڤەكۆلین و بەرهەڤكرنا ڤان جۆرە پەرتۆكا ب كارەكێ پیرۆز دا زانین و دەست خۆشی ل نڤیسەر حاجی علو كر بۆ ڤێ كەد و خزمەتا وی یا دیار ل ڤان هەر سێ پەرتۆكا نڤیسین و هەر بڤێ هەلكەفتێ دیاریەك بناڤێ لقێ پێشكێشی نڤیسەری كر.
ل پێرا دەلیڤە هاتە روخساندن بۆ نڤیسكار حاجی علو و ب درێژی بەحسێ ناڤەرۆكا هەر سێ پەرتۆكێن خۆ كر و ژ مێڤانا خاست هندی پەرتۆكا بخوونن باشە و سوپاسیا نڤیسینگەها لالش و نوونەرێ لقێ كر،ژبۆ ڤێ بەرهەڤیێ و ئیمزاكرنا ڤان پەرتۆكا و گۆت ئەڤا نیشانا خەمخۆریا لالش و پارتی یە ب نڤیسەر و رۆژنامەڤان و زانین و زانستی ددەن.
ل داویێ پەرتۆك ل سەر مێڤانا هاتن بەلاڤكرن و ئەڤ چالاكی بوو جیێ دلخۆشیا ئامادەبوویان.
تُتاح هذه الصورة أيضا في: کوردی