ل كهمپێن دهۆكێ كێشهیا ئاڤێ دروستبوویه و حكومهت هۆشداریێ ددهت
گاڤ نیوز :
ل كهمپێن ئازارا یێن پارێزگهها دهۆكێ كێشهیا ئاڤێ دروستبوویه و ئهو رێكخراوا پاره وهك هاریكارى ددا ئاوارهیان ئێدى ئهو ژى نادهت.
پیر دهیان، رێڤهبهرێ كۆچ و كۆچبهران و بهرسڤدانا قهیرانان بۆ گاڤ نیوز دبێژیت: پشتى رێكخراوێن جیهانى دهست ژ كارێ هاریكاریا كهمپان بهرداین، رۆژ بۆ رۆژێ رهوشا كهمپان خرابتر دبیت، گۆتژى: ژ ئێكى حهفت رێكخراوا یوئێن ئێچ سى ئار دێ خۆ ژ كهرتێ نووژهنكرنا ئاڤێ ڤهكێشیت و یونسێفێ خۆ ژ ههر سێ كهمپان ڤهكێشایه و كێشه دروست بووینه.
پیر دهیانى زێدهتر گۆت: چاڤدانا كهمپان ل ههمى جیهانێ ئهركێ رێكخراوا یوئێن ئێچ سى ئاره، لێ وێ رێكخراوێ ئهو ئاگههداركرینه كو سهپۆرتا وان گهلهك كێم بوویه و ئێدى نهشێن هاریكاریا ئاوارهیان بكهن.
رێڤهبهرێ كۆچ و كۆچبهران ئاشكراكر، دو بژارده ههنه، یان حكومهت هاریكاریێ بكهت یان ژى كهمپ بهێنه داخستن، ب گۆتنا وى حكومهتا ئیراقێ بڕیارا داخستنا كهمپان دایه و كهمپ داخستینه، لێ ل ههرێما كوردستانێ چ كهمپ ب زۆرى ناهێنه داخستن و زۆرى ل كهسى ناهێتهكرن ڤهگهڕیته دهڤهرێن خۆ.
تُتاح هذه الصورة أيضا في: کوردی