دەست ب هەلدانا گۆڕێن ب کۆم یێن گوندێ قنێ دێ ئێتە کرن
ئاژانسا خانی:
خێری عەلی، بەرپرسێ رێکخراوا ئێزدی یا دکیۆمێنتاری ل شنگالێ بۆ ئاژانسا خانی دیار كر: بریارە ژ ل رۆژا سێشەمبی رێكکەفتی 28 ی هەیڤا حزیرانێ ژ ئالییێ سازییا شەهیدێن عیراقێ ڤە و ب هەڤکاری ل گەل رێڤەبەرییا کاروبارێن راکرنا گۆرێن ب كۆم دێ دەست ب هەلدانا گۆرێن ب کۆم یێن گوندێ قنێ ل شنگالێ هێتە کرن.
ناڤهاتی گۆت ژی: ژ سەرجەمێ 87 گۆرێن ب کۆم یێن سنۆرێ شنگالێ هەین هەتا نوكە 34 گۆر هاتینە هەلدان و بریاره ژمارەکا دی ژی ژ وان گۆران بێنە هەلدان ئەڤه ئەو گۆرن یێن ل دەمێ 3 تەباخا سالا 2014 ێ تیرۆریستێن داعش کۆمکوژی ل دەرهەقێ مللەتێ ئێزدی دا ئەنجامدایی.
تُتاح هذه الصورة أيضا في: کوردی