10 سالێن بهێت پێنج ملیون کچ ل جیهانێ دێ کێم بن
نۆش نیوز
ڤەکولینەکا نوی دیارکریە كو پێشكەفتنا زانست و تەكنەلۆژیایا پزیشكی وەكریە هەڤژین بشێن د قۆناغەکا زوودا ڕەگەزێ زارۆکی دەستنیشان بكەن، ژبەر ڤێ چەندێ دهێتە چاڤەرێکرن د 10 سالێن بهێت دا، جیهان ژ دایکبوونا نزیكەی پێنج ملیۆن كچان ژدەست بدەت.
ل دووڤ ڤەکولینەکێ كو ئاژانسا “Euro news” بەلاڤكری یە، پێشبینی دهێتەکرن د 10 سالێن بهێت دا ژ دایكبوونا 4,7 ملیۆن كچان د جیهانێ دا كێم ببیت، ئەڤەژی ژئەگەرێ وێ چەندێ ئێدی دایك و باب دشێن ڕەگەزێ زارۆکێن خوە دیار بكەن و ل پشکەکا بەرچاڤ یا وەڵاتێن جیهانێ دا زێدەتر داخوازی ل سەر هەبوونا كورانە.
ب ڤی شێوەی دهێتە چاڤەرێکرن هەتا سالا 2030 ژ دایكبوونا زارۆکێن کور ب ڕێژەیا %33 زێدەبکەت، ئەڤەژی دێ وە کەت کو رێژا توندوتیژیێ د جڤاکی دا زێدەببیت، سەرباری كێمبوونا بەرچاڤ یا ڕێژا ژ دایكبوونا زارۆکان د داهاتی دا.
ڤەکولین ژلایێ تیمەكا نێڤدەولەتی ل سەر ژ دایكبوونا سێ ملیار زارۆیان د ماوێ پێنجی سالێن بووری دا هاتبوو کرن، تێدا 12 دەولەت هەلبژارتبوون كو ڕێژا ژدایكبوونا كوڕان تێدا بلندبوویە، ب تایبەتی پشتی سالا 1970ێ، ل 17 وەلاتێن دیتر ژی ڕێژا ژدایكبوونا كوڕان گەلەک بلندبوویە، ب شێوەیەكی كێمبوونا ژ دایكبوونا كچان گەهشتی یە ڕادەیەكێ مەترسیدار.
ل دوووڤ راپۆرتا Euro news، د دەمێ چل سالێن بووریدا ل وەڵاتێن باشوورێ رۆژهەڵاتێ ئەورۆپادا، ژبەربرنا زارۆکان ژ ئەگەرێ وێ چەندێ کو ڕەگەزی مێ بووینە گەلەک یا زێدەبووی.
تُتاح هذه الصورة أيضا في: کوردی