بنگههێ لالش پهرتۆكهكا دى ل دۆر ناساندنا کۆمكوژیا ئێزدیان بهلاڤكر
تۆرا لالش:
ئیرۆ دانێ هێڤاری و هەڤدەم دگەل دەربازبوونا نێزیکی هەشت سالێن کۆمکوژیا ئێزدیان و بیرئانینا ڤێ کارەساتا دلتەزین، ڕێورەسمێن ئیمزاکرن و بهلاڤكرنا پەرتۆکا(کەڤۆکێن سیها تاووسێ) ل دۆر ژانێن کچ و ژنێن ئێزدی ل کۆمکوژیا ئێزدیان هاتنه گێڕان.
ب ئامادەبوونا ههر ئێك ژ”ئازاد ئيسماعيل خرابى” و “ڤیان شێخ میرزا” و “ههڤال سالح نهرمۆ”کارگێرێن لقا 20 يا پارتى و “ههرمان میرزا بەگ” وەکیلێ میرێ ئێزديان و رەوشهنبیرێن پارێزگەها دهۆکێ و باعەدرێ و دەڤەرێ ودام و دەزگەهێن حزبی ومیری و جەماوەرێکی زۆر ژ شێخان و باعەدرێ و دەڤەرێ ژ تەخ و پێکهاتن جودا جودا،بنگەهێ لالش تایێ باعەدرێ رابوو ب گێڕانا ڕێورەسمێن ئیمزاکرنا پەرتۆکا(کەڤۆکێن سیها تاووسێ) یا میدیاکار و نڤیسەرکاروان باعەدری ل باخچێ هۆلا باعەدرێ یا بیرەوەریان.
پشتی خۆلهكهك راوەستیان وەك رێزگرتن بۆ شەهیدێن بزاڤا ڕزگاریخوازا کوردی سەرکێشێ وان بارزانیێ نەمر و جانگۆری و قوربانیێن کۆمەلکوژیا ئێزدیان، بهرپرسێ بنگههێ لالش “خهلات باعەدری” بخێرهاتنا تەڤایا ئامادەبوویان کر ژ بۆ ڤێ هێڤاریێ و بیرئانینا کارەساتا جەرگبر.
لدووڤدا نڤیسکار و وەرگێڕێ بەرنیاس “شەمال ئاکرەیی” کورتیەك ل دۆر پەرتۆکێ دا زمان و بەحس ل رۆلێ و گرنگیا دیکيۆمێنتکرنێ و وەرگێرانێ دخزمەتا ناساندنا کۆمەلکوژیا ئێزدیان دا کر،زێدەباری ئاماژەکرن ب گرنگیا ڤێ پەرتۆکێ دخزمەتا پرسا جینۆسایدێ و خواست کو شاکارێن ب ڤی رەنگی زێدەتربن دگەل چەند خالێن دیترێن بالکێشێ کو بەڕێز ئاکرەیی داکۆکی ل سەر کر.
ل پێرا نڤیسەرێ پەرتۆکێ رۆژنامەڤان”کاروان باعەدری”بەحسا ناڤەرۆك و شێوازێ پەرتۆکێ کر و داخویاکرن کو ئەڤ پەرتۆکە ڕەنجا دووسالانە و حەسکریە ئێش و ژانێن ژنا ئێزدی دبن تاریتیا داعشێ دا بکەتە دیکيۆمێنت پێخەمەت خزمەتا ناساندنا کۆمەلکوژیا ئێزدیان و خواستی یە دچارچۆڤێ تاکە زمان دەربکەڤت و بکەفتە بەر دەستێ زۆرترین خواندەڤانان،چنکو ب چەند زمان و دیالێکتان هاتیە نڤیسین دگەل چەندین رۆنکرنێن دیتر ل دۆر ڤێ مژارێ.
پاشی دانوستاندن ل دۆر ڤێ پەرتۆکێ هاتە کرن ب رۆنکرن و پرسێن ئامادەبوویان.
ل داویێ ژی پەرتۆك هاتە ئیمزاکرن ژلایێ نڤیسکارى ڤە و ب سەر تەڤایا ئامادەبوویان دا هاتە بهلاڤكرن.
بۆ زانين پهرتۆكا ناڤبرى ژ زنجيره چاپهمهنيێن دهستهيا بلندا بنگههێ لالش هاتيه وهشاندن.
تُتاح هذه الصورة أيضا في: کوردی