8 سال ب سەر کۆمکوژیا گوندێ کۆچۆ دا دەرباز بوون
گاڤ نیوز
هەشت سال ب سەر کۆمکوژیا گوندێ کۆچۆ دا دەرباز بوون کو د رۆژەکا وەکو ئەڤرۆ دا هزار و 200 کوردێن ئێزدی ل کۆچۆ ژ ئالیێ تیرۆرستان ڤە هاتبوونە گرتن.
ل رۆژا 3-8-2014 داعشێ هێرش کرە شنگالێ و ژ وێ رۆژێ داعشێ هێرشێن خۆ بەرفرەهـ کرن و سەر ب گوند دەڤەرێن دەردۆرێن شنگالێ دا گرت.
ل رۆژا 15-8-2014 داعش گەهشتە گوندێ کۆچۆ. ل وی گوندی تیرۆرستان پتری 1200 کەسان گرتن و کرنە د خواندنگەها وی گوندی ڤە و پشتی زێڕ و پارەیێن وان ژێوەرگرتین، داخواز ژ وان کر: موسلمان ببن.
موختارێ گوندی و خەلکێ گوندی رازی نەبوون موسلمان ببن، لەورا تیرۆرستان ژن و زەلام ژێک جودا کرن، هەموو زەلام کوشتن و کرنە د گۆڕێن بکۆم دا و ژن و زارۆک ژی برنە بازارێن رەقە و مووسلێ و فرۆشتن.
هەرچەندە تا نوکە پتری سێ هزار رەڤاندی یێن ئێزدی ژ لایێ نڤیسینگەها رزگارکرنا رەڤاندیان ڤە هاتینە رزگارکرن، لێ ژمارەکا مەزن ژی تا نوکە بێسەروشوینە.
تُتاح هذه الصورة أيضا في: کوردی