وهزارهتا پهروهردێ: ژ خانهقین تا زاخۆ دێ ئنتیمائا نشتیمانى بۆ قوتابیان دروست كهین
گاڤ نیوز:
بریكارێ وهزارهتا پهروهردهیا حكومهتا ههرێما كوردستانێ رادگههینیت، ئهو دێ سیاسهتا پهروهردێ بجهـ ئینن و پهروهردێ سیاسهتا نشتیمانى ههیه و ژ خانهقین تا زاخۆ دێ ههمان ئنتیما بۆ دروست كهین و سیاسهتا وهزارهتا پهروهردێ ژى ئهوه کوردستانێ وهك وهلاتێ ههمى قوتابیان نیشان بدهت.
د. سهیوان عهلى، بریكارێ وهزارهتا پهروهردهیا حكومهتا ههرێما كوردستانێ بۆ دهنگێ ئهمریكا رادگههینیت، د سێ رۆژێن ئێكێ یێن ڤهكرنا دهرگههێن قوتابخانهیان دا پۆلێن قوتابیان دێ هێنه رێکخستن و وانه دێ هێنه دابهشكرن و هندهك ژ یاسا و رێنمایێن پهروهردێ دێ بۆ قوتابیان هێنه گۆتن.
ئاشكرا ژی كر: دروستكرنا ههستا پێڤەگرێدانا نشتیمانى ل دهف قوتابى و بهحسكرنا رهوشا كوردستان و ئیراقێ دێ بۆ قوتابیان هێته دیاركرن.
بریكارێ وهزارهتا پهروهردێ خویا كر، وان نهڤێت ببێژین ب سێ رۆژان پێڤەگرێدانا نشتیمانى و نهتهوهى دێ بۆ قوتابیان دروست بیت، بهلێ ئهڤه سیاسهتا وهزارهتا پهروهردێ یه و دێ گرنگیهكا مهزن ب پێڤەگرێدانا نشتیمانى دهت و پرۆسه ژ ئێك سال بۆ چار سالانه.
د. سهیوانى گۆت ژى: ئهڤ یهكه وێ ناگههینیت كو قوتابیان ههستا نشتیمانى ژ دهست دایه، بهلێ دڤێت قوتابى شارهزا ببن و وهلاتێ خۆ خۆش بڤێت و بهرڤانیێ ژێ بكهن
س.س
تُتاح هذه الصورة أيضا في: کوردی