لە رۆژی جیهانی ئاشتیدا، گەلەری شانەدەر پێشانگەیەکی هاوبەشی وێنەکێشان بۆ شێوەکاره لاوهكانی کورد، رێکخستووە.
باسنيوز :
هاوکار رسکن، رێکخەر و بەڕێوەبەری ئەم پێشانگەیە تایبەت بە (باسکورد) گوتی: “لەم پێشانگە هاوبەشەدا، شەش هونەرمەندی وێنەکێشی لاو، لە شارە جیاوازەکانی کوردستان بەشدارییان کردووە، بۆیە ناوی پیشانگهکەمان کردووە بە پێشانگهی لاوانی کورد”.
هاوکار رسکن، زیاتر گوتی: “بەشداربوان لەم پێشانگەیە بە زیاتر لە 250 بەرهەمی هونەری وێنەکێشان بەشدارییان کردووە، کە تابلۆکان زیاتر باس لە بواری کولتووری و مێژوویی و شوێنەواری و سروشتی کوردستان دەکەن”.
ئەم پێشانگەیە کە بە گوتەی ڕێکخەرانی، خەڵک و هونەرمەندان پێشوازیی زۆر باشیان لێ کردووە و سەردانیکەری باشی هەبووە، لە رۆژانی 21 تا 30ی مانگ لە سەنتەری کولتووریی قەڵای هەولێر بەردەوام دەبێت و چوونەژوورەوە بێبەرانبەرە.
س.س
تُتاح هذه الصورة أيضا في: کوردی