هه‌موو زانیارى ل دۆر سه‌ربازیا نه‌چارى بزانه دێ هه‌رێمێ ژى ڤه‌گریت؟
گاڤ –
ئه‌ندامه‌كێ جڤاتا نوینه‌رێن ئیراقێ زانیاریێن هویر ل دۆر سه‌ربازیا نه‌چارى ل هه‌رێما كوردستانێ ئاشكرادكه‌ت و دیاردكه‌ت، هه‌ر كه‌سێ 18 تا 35 سال بیت دێ ڤه‌گه‌ریت.
خالد رێكانى، ئه‌ندامێ جڤاتا نوینه‌رێن ئیراقێ بۆ گاڤ ئاشكراكر، سوبه خاندنا دووێ دێ بۆ قانوونا سه‌ربازیا نه‌چارى هێته‌كرن و ئه‌و قانوون دێ ل هه‌رێما كوردستانێ ژى هێته بجهئینان، لێ دێ ل ژێر چاڤدێریا هه‌رێمێ ب خۆ بیت.
ئاشكراكرژى، هه‌ر كه‌سێ ژیێ وى ژ 18 تا 35 سالیێ بیت دێ پشكداریێ د سه‌ربازیا نه‌چارى دا كه‌ت و دازانین ژى مووچه‌یێ وان ئه‌گه‌رخودان كاربن دێ یێ كارى بۆ هێته خه‌رجكرن، به‌رۆڤاژى دێ مووچه‌یه‌ك ژ ئالیێ حكومه‌تێ ڤه بۆ هێته دابینكرن.
گۆتژى، ده‌رچوویێن ناڤنجى، 18 هه‌یڤان دێ پشكداریێ د سه‌ربازیا نه‌چارى دا كه‌ن و ده‌رچوویێن ئاماده‌یى ژى 12 مه‌هان، هه‌روه‌سا ده‌رچوویێن په‌یانگه‌هـ و كولیژان دێ 9 هه‌یڤان پشكدار بن و هه‌لگرێن ماسته‌رێ 6هه‌یڤ و یێن دكتۆرایێ ژى 3ێ مه‌هن.
دوپاتكر، سوبه جڤاتا نوینه‌رێن ئیراقێ دێ ل سه‌ر وێ قانوونێ كۆمبیت و دێ بڕیارێ ل سه‌ر سه‌ربازیا نه‌چارى ل ئیراقێ ده‌ت.
تُتاح هذه الصورة أيضا في: کوردی