“هه‌رێما كوردستانێ رۆژانه نزيكى 450 هزار به‌رميلێن په‌ترۆلێ به‌رهه‌م دئينيت”
گاڤ نيوز
سكرتێرێ جڤاتا وه‌زيرێن هه‌رێما كوردستانێ ئه‌ڤرۆ پێنجشه‌مبيێ راگه‌هاند كو هه‌رێما كوردستانێ رۆژانه نزيكى 450 هزار به‌رميلێن په‌ترۆلێ به‌رهه‌م دئينيت و پتريا وێ ب رێكا به‌نده‌رێ جيهان يێ توركى هنارده دكه‌ت.
ئامانج ره‌حيم د په‌يڤه‌كێ د كۆنفرانسێ جڤاتا كارى يا ئيراقى- بريتانى دا ل دوبه‌ى راگه‌هاند؛ هه‌رێما كوردستانێ رۆژانه نزيكى 450 هزار به‌رميلێن په‌ترۆلێ به‌رهه‌م دئينيت و نزيكى 420 هزار به‌رميلان ب رێكا به‌نده‌رێ جيهان هنارده‌ى ده‌رڤه دكه‌ت.
ديار ژى كر؛ حكومه‌تا هه‌رێمێ شايسته‌يێن دارايى يێن كۆمپانيێن په‌ترۆلێ ل هه‌رێما كوردستانێ دده‌ت.
ئاماژه دا وێ چه‌ندێ ژى؛ په‌سه‌ندكرنا ياسايا په‌ترۆل و غازێ ل په‌رله‌مانێ ئيراقێ دێ گاڤه‌كا گرنگ بيت بۆ رێكخستنا داهاتى دناڤبه‌را حكومه‌تا هه‌رێمێ و حكومه‌تا فيدرالى دا.
تُتاح هذه الصورة أيضا في: کوردی