39 خێزانێن دی یێن ئێزدی ڤەگەریان شنگالێ
وشه:
ددەما کێمتر ژ 24 دەمژمێرێن بوری 39 خێزانێن ئێزدی ل کەمپێن ئیدارا سەربخوەیی یا زاخۆ ڤەگەریاینە شنگالێ، رێڤەبەرێ کوچ و کوچبەران ژی دیارکر کو هەر خێزانەکا بخوازیت ڤەگەریت ئەو ئازادن.
حسێن کەلاری، رێڤەبەرێ گشتی یێ ناوەندا هاوبەش وهەماهەنگیا قەیرانان ل وەزارەتا ناڤخو یا حکومەتا هەرێما کوردستانێ گوت، ئەڤرۆ ل ئاڤاهیێ رێڤەبەریا کوچ وکوچبەران وبەرسڤدانا قەیرانان بەرهەڤین بو هندێ گوهداریا ئاریشەیێن ئاوارە و پەنابەران بکەین ل سنورێ پارێزگەها دهوکێ و ئیدارا سەربخوەیی یا زاخۆ، ل گۆر بەرنامێ زڤرین یێ رێکخراوا IOM ب هەڤکاری ل گەل وەزارەتا ناڤخو یا حکومەتا هەرێما کوردستانێ و رێڤەبەریا کوچ وکوچبەران ل پارێزگەھا دهوکێ ئەڤرۆ ژی 39 خێزان ژ کەمپا بێرسڤ یا دوویێ ل سنورێ ئیدارەیا سەربخوەیی یا زاخۆ ڤەگەریانە سەر جهـ و وارێن خوە ل دەڤەرا شنگالێ.
زێدەتر گۆت، وەکو حکومەتا هەرێما کوردستانێ کەسێ ب زوری ناڤەگەرینن، بەلێ دهەمان دەم دا هەر خێزانەکا بخوازیت ڤەگەریێت یا ئازادە،
سەبارەت دەنگویێ هندێ کو 100 خێزان ڤەگەریاینە وەکو قونسولخانەیا ئەمریکی ل هەولێرێ، بەلاڤکری، ناڤبری گوت، مە ئاگەهـ ژ وان دەنگویان هەیە، بەلێ ئەو هژمارە نەیا دروست و فەرمی یە، یا دروست ئەوە کو تنێ 39 خێزان ئامادەیا خوە دەربریە ڤەگەرنە شنگال و ئەڤرۆ سپێدێ زڤرینە، حکومەتا ئیراقێ بەرپرسە ژ ئێمناهی و پاراستنا وان خێزانان.
تُتاح هذه الصورة أيضا في: کوردی