ڤیان ده‌خیل په‌یامه‌كێ ئاراسته‌یى پارێزگارێ نه‌ینه‌وا دكه‌ت
خانى نيوز:
ئه‌نداما جڤاتا نوونه‌رێن عیراقێ په‌یامه‌كا نه‌رازیبوونێ ئاراسته‌یى پارێزگارێ پارێزگه‌ها نه‌ینه‌وا دكه‌ت.
ڤیان ده‌خیل ئه‌نداما جڤاتا نوونه‌رێن عیراقێ په‌یامه‌كا نه‌رازیبوونێ ل سه‌ر ئه‌كاونتێ خوه یێ فه‌یسبۆكى ئاراسته‌یى نه‌جم ئه‌لجبورى پارێزگارێ پارێزگه‌ها نه‌ینه‌وا كر و دیاركر، وان ب دلگرانییه‌كا مه‌زنڤه دیت ل فێستیڤالا ره‌بیع ل مووسلێ، جهه‌ك بۆ میرێ ئێزیدییان ل عیراق و جیهانێ هاتبوودانان كو نه ژ هه‌ژى ناڤ و جهێن وى بوو، ئه‌و ڤێ چه‌ندێ ب بێ رێزی و كێمكرنا جهـ و بهایێن میرى و كێمكرنا ئێزیدییان هه‌موویان و ئه‌و ده‌رده‌سه‌رى و ژ ناڤبرنێن ل سالێن بوورى ب سه‌رى هاتین، دبینن.
ڤیان ده‌خیلێ ئاماژه ب هندێ ژى دا، ئه‌ڤ كێمكرنه نه بتنێ بۆ ئێزدییانه، به‌لكو بۆ ئه‌ندامێن موسلمان یێن شنگالێ و ده‌ڤه‌رێن دی نه یێن كو نه‌رازیبوونا خوه ل سه‌ر ڤێ ره‌فتارێ دیاركرى و ب ره‌فتاره‌كا نه پرۆتۆكۆلى هژمارتى، ئه‌و دووپات دكه‌ن كو هه‌موو پۆستێن بجهئینانێ و قانوون دانانێ د حكومه‌تێ دا ده‌مكینه، لێ میر دێ هه‌تا هه‌تایێ هه‌ر مینیت میر.
تُتاح هذه الصورة أيضا في: کوردی