347 دەرچوویێن ساخلەمیێ ل دەڤەرێن دەرڤەی ئیدارا هەرێمێ دێ ئێنە دامەزراندن
تۆرا لالش:
وەزارەتا ساخلەمیا عێراقێ بریاردا كو 347 دەرچوویێن دی یێن ساخلەمیێ،ل كولیژ و پەیمانگەهێن هەرێما كوردستانێ ل دەڤەرێن دەرڤەی ئیدارا هەرێمێ بێنە دامەزراندن.
دڤی دەربارەی دا د.ماجد شنگالی،سەرۆكێ لژنا ساخلەمیێ ل پەرلەمانێ عێراقێ د داخویانیەكا تایبەت دا بۆ دەنگێ لالش گۆت:ژ سەرجەمێ 860دەرچوویێن كولیژ و پەیمانگەهێن هەرێما كوردستانێ وەكو قۆناغا ئێكێ هەتا نۆكە 513دەرچووی سەر ب وەزارەتا ساخلەمیا عێراقێ ڤە ل دەڤەرێن دەرڤەی ئیدارا هەرێمێ ڕێكارێن دامەزراندنا وان ب داوی هاتینە،پشكەك ژ وان دەرچوویان جاڤپێكەفتن ژی كرینە ل ڕێڤەبەریێن گشتی یێن ساخلەمیێ نەخاسمە ل ڕێڤەبەریا گشتی یا مووسل و ڕێژەكا باش ژ وان دەرچوویان خەلكێ شنگالێ نە و ب ڤێ یەكێ ژی كەرتێ ساخلەمیێ دێ بەرەف پێشڤەچت نەخاسمە ل دەڤەرەكا وەكی شنگالێ.
د.ماجد شنگالی رۆنكر،وەك قوناغا دووێ نۆكە 347دەرچوویێن دی ناڤێن وان ژ جڤاتا خزمەتێ تمام بووینە و ڕەزامەندی ل سەر هاتیە دان و ناڤێن ڤان دەرچوویان هاتینە ڕەوانەكرن بۆ وەزارەتا ساخلەمیێ و بریارا وان هاتیە دان و ڕەزامەندیا وەزارەتێ ژی هاتیە وەرگرتن،كو بریارە ل دەمەكێ نێزیك فەرمانا ویزاری بۆ وان دەربكەڤت و ئەو ژی دێ چاڤپێكەفتنێن خۆ ئەنجامدەن.
ناڤهاتی گۆت:ژمارە وان دەرچوویێن ساخلەمیێ یێن ل دەڤەرێن دەرڤەی ئیدارا هەرێمێ دێ ئێنە دامەزراندن دبتە 860 دەرچووی.
تُتاح هذه الصورة أيضا في: کوردی