د ڕوودانا زاخۆ دا 30 كرێكارێن ئێزدى بوونه قوربانى
تۆرا لالش/تايبه‌ت
ئازاد ته‌ها، په‌یڤدارێ ڕێڤه‌به‌رییا هاتنوچوونا دهۆكێ ڕاگه‌هاند؛ ئيرۆ ل دەمژمێر10:30 سپێدێ ل سەر جاددا سەرەکییا دهۆك بۆ زاخۆ نێزیکی تۆنێلا گەلیێ زاخۆ،دوو ترۆمبێلان لێکدان و زيانێن گيانى و مادى ل پشت خۆ هێلان.
په‌یڤدارێ ڕێڤه‌به‌رییا هاتنوچوونا دهۆكێ ئاشكه‌راكر: ترۆمبێلەکا بارهەلگر کیا دووتەن دگەل ترۆمبێلەکا تایبەت مارسدس،ل سەر جاددا سەرەکییا دهۆك بۆ زاخۆ نێزیکی تۆنێلا گەلیێ زاخۆ لێکدان ، دئەنجامدا کەسەکی گیانێ خۆ ژ دەستدا و 29 کەسێن دی برینداربوون و زیانێن ماددی یێن مەزن ب هەر دوو ترۆمبێلا کەفتن.
ل گۆر زانياريێن ب ده‌ست تۆرا لالش يا ڕاگه‌هاندني كه‌فتين،نێزيكى 40كه‌سان دناڤا ترۆمبێلا بارهەلگر کیا دووتەن دابوون،هه‌موو ئاواره‌يێن شنگالێ نه و ل كه‌مپا قاديا ل سنوورێ ئيدارا سه‌ربه‌خۆ يا زاخۆ ئاكنجى نه،ل ده‌مێ ژ كارى ڤه‌گه‌ڕياينه مال تووشى ڕوودانا هاتنوچوونێ بوون.
تُتاح هذه الصورة أيضا في: کوردی