كەڤالێن من هەموو ب ئێك بها دئێنە فرۆتن
تۆرا لالش:
رێڤەبەریا هونەرێ شێوەكاری یا كو ب سەر رێڤەبەریا گشتی یا رەوشەنبیری و هونەری ل دهۆكێ ل بەرە ل رۆژا ئێكشەمبی 30/7/2023 پێشانگەهەكا تایبەت ب ناڤێ (خوە) بۆ هونەرمەندێ شێوەكار (سەلام دەروێش) ل هولا گەلەریا دهۆكێ ڤەكەت.
هونەرمەندێ شێوەكار سەلام دەروێش بۆ ئەڤرۆ گۆت: پێشانگەه ژ 14 كەڤالان پێكهاتیە و دەربرینێ ژ مرۆڤی بخوە دكەن و ئەڤە بۆ دەمێ سێ سالایە ل سەر ئەڤێ پێشانگەهێ كاردكەم و هەر كەڤالەكی هەتا هەیڤەكێ من ل سەر كاركریە و دكەڤالێن خوە دا من هەموو رەنگ ب كارئیناینە و چو رەنگێن تایبەت من نینن دهەموو كەڤالێن خوە دا ب كاربینم و دچێكرنا كەڤالان دا من ستایلێ خوە یێ تایبەت هەیە و من بزاڤكریە ستایلەكێ تایبەت بخوە چێكەم.
سەلامی گۆت ژی: ئەو كەڤالێن ئەز چێكەم دهێنە فرۆتن و هەر كەسەكێ داخواز بكەت و بۆ كەڤالێن من ژی ئێك بها هەیە و هەر كەڤالەك ب چار هزار و 200 دۆلارا یە، بەلێ هەتا نوكە ئەو رەوشەنبیری ل دەڤ خەلكێ مە چێنەبوویە كو كەڤالێن خۆمالی بكرن و دیسان هونەرمەندێن شێوەكار ژی هند گرنگیا خوە نینە.
تُتاح هذه الصورة أيضا في: کوردی