ل دهۆکێ ٩٧% کارتێن بایۆمەترى هاتینە دابەشکرن
باسنيوز:
ل دهۆکێ هەمى ئامادەکارى هاتینە ئەنجامدان بۆ هەلبژارتنێن جڤاتێن پارێزگەهان، تا نۆکە ژى ٩٧% کارتێن بایۆمەترى ل سەرئاستێ پارێزگەها دهۆکێ هاتینە بەلاڤکرن.
خالد عەباس، بەرپرسێ ئۆفیسا دهۆکێ یا کۆمسیونا عیراقێ بۆ(باسنیوز) دیارکر: “ئەڤرۆ رۆژا ئێکشەمبى مە وەک ئۆفیسا دهۆک یا کۆمسیونا هەلبژارتنێن عیراقێ رۆینشتنەکا ڤەکرى دگەل رێکخراوێن جڤاکێ سڤێل ل دهۆکێ ئەنجامدا ئەوێن کۆ ل کۆمسیونێ تۆمارکرى، لدور ئامادەکاریێن مە بۆ هەلبژارتنێن جڤاتێن پارێزگەهان کۆ بریارە ١٨/١٢ یا ئەڤسالە بهێنە ئەنجامدان و لڤێرە رادگەهینینن کۆ ٥٢ هزار ئاوارە ل سەرانسەرى پارێزگەها دهۆکێ ژلایێ مە ڤە هاتینە تۆمارکرن.”
بەرپرسێ ئۆفیسا دهۆکێ یا کۆمسیونا هەلبژارتنێن عیراقێ گۆتژى: “د نۆکە دا ئەم مژولى قۆناغا نیکرنا بایۆمەتریىێ نە و ئەڤ قۆناغە دێ تا ١٢/٩ یا ئەڤ سالەبەردەوام بیت و تێست ل سەر ئامیران دهێتە کرن بۆ وێ چەندێ ئەو پرۆسێسە باشترین شێواز برێڤە بچیت و ب رێژا ٩٧% مە شیایە کارتێن بایۆمەترى ل سەرانسەرى پارێزگەها دهۆکێ دابەش بکەین و ئەڤ رێژە ب ئێکەم رێژە دهێت ل سەر ئاستێ هەمى پارێزگەهێن هەرێما کوردستانێ و عیراقێ و داخازێ ژ رێکخراوێن جڤاکێ سڤیل دکەین دگەل کۆمسیونێ د هاریکار بن.”
تُتاح هذه الصورة أيضا في: کوردی