هەردو وەزیرێن دارایی یێن ئیراق و هەرێمێ دێ ل رۆژا دوشەمبیێ ل پەرلەمانێ بەرهەڤ بن
گاڤ
ل سەر داخوازا لژنەیا دارایی یا پەرلەمانێ ئیراقێ داخواز دهێتە کرن هەردو وەزیرێن دارایی یێن ئیراق و هەرێمێ ل رۆژا دوشەمبیێ ل پەرلەمانی بەرهەڤ ببن.
پشتی گازندەیێن حکومەتا هەرێما کوردستانێ ژ نەهنارتنا پشکا هەرێما کوردستانێ ژ بودجەیا گشتی یا ئیراقێ و مووچەیێن فەرمانبەرێن هەرێما کوردستانێ، بریار هاتیە دان هەردو وەزیرێن دارایی یێن ئیراق و هەرێما کوردستانێ ل پەرلەمانی بەرهەڤ ببن و ل گەل لژنەیا دارایی کۆم ببن.
ل گۆرەی زانیاریان، سەرۆکێ لژنەیا دارایی داخواز ژ تەیف سامی، وەزیرا دارایی یا ئیراقێ و ئاوات شێخ جەناب، وەزیرێ دارایی یێ هەرێما کوردستانێ کریە ل رۆژا دوشەمبیێ بەرهەڤ ببن.
هەردو وەزیر دێ راپۆرتێن خۆ پێشکێش کەن و لژنەیا دارایی ژی دێ راپۆرتەکێ بەرهەڤ کەت و بۆ پەرلەمانی هنێریت.
پێشتر ل سەر ڤی بابەتی شیاع سوودانی، سەرۆکوەزیرێ ئیراقێ راگەهاندبوو کو چ تشت ب ناڤێ مووچەیێن فەرمانبەرێن هەرێما کوردستانێ د قانوونا بودجێ دا نینە و هەردو وەزیر دێ بەرهەڤ بن و زمانێ ژمارەیان دێ ئاخڤیت.
تُتاح هذه الصورة أيضا في: کوردی