پارچهيێن عهردى دێ ب سهر ڕزگاربوویێن ئێزدى ل شنگالێ ئێنه بهلاڤكرن
باسنيوز:
جێگرى پارێزگارێ نهینهوا بۆ (باسنیوز) دیاركر، 250 پارچێن عهردى کۆ رووبهرێ ههر پارچهكێ 250 مهترن دێ ب سهر رزگاربوویێن ئێزدى ل قهزا شنگالێ هێنه دابەشکرن.”
رهفعهت سمۆ، جێگرى پارێزگارێ نهینهوا بۆ كارۆبارێن ئیدارى بۆ (باسنیوز) راگههاند، رازیبوون هاتیه كرن ل سهر دابەشکرنا پارچێن عهردی ب سهر رزگاربوویێن ئێزدى یێن ژ بن دهستێ تیرۆرستێن داعش رزگاربووین و نوكه بهرههڤی دهێنه كرن بۆ پشك كیشانا پارچێن عەردی، د قوناغا ئێكێ یا دابەشکرنا پارچێن عهردى دێ 250 رزگاربوویی ژێ مفاداربن کۆ ههر ئێك ژ وان دێ پارچهكا عەردی ل شنگالێ وهرگریت کۆ رووبهرێ پارچا عەردێ 250 مهترن “.
ئاشكرا كر، ههمی رزگاربوویێن بن دهستێ تیرۆرستێن داعش دووڤ قانوونا رزگاربوویان دێ پارچێن عهردى وهرگرن، هەڤکاری دێ دگهل پارێزگارێ نهینهوا و شارهوانى هێته كرن بۆ دابینكرنا عهردی.
گووتژی، د قوناغێن بهێت دا دێ هژمارهكا زێدهتر یا رزگاربوویان مفاداربن دێ کار یێ بهردهوام بیت ههتا ههمێ رزگاربوویێن بن دهستێ تیرۆرستێن داعش پارچێن عهردى وهردگرن”.
سالا 2014ێ تێرۆرستێن داعش هیرشى سهر شنگالێ كرن دووف ئامارێن نڤیسینگهها رزگاركرنا رهڤاندیێن ئێزدى، شهش هزار و 417 كهس ژ ههردوو رهگهزان هاتنه دهستهسهركرن و رهڤاندن ههتا نوكه پتر ژ سێ هزار و 500 كهسان ژههردوو رهگهزان رزگاربوونه و هیشتا چارهنڤیسێ پتر ژ دوو هزار كهسان دیارنینه.
تُتاح هذه الصورة أيضا في: کوردی