كەسایەتیێ شۆڕەشگێرێ ئێزدی(سلۆ خدر)ئەو ناڤێ هەرە دیار ل هەر دوو شۆڕەشێن ئیلۆنێ و گولانێ
ئه‌ڤرۆ نيوز:
پێشمەرگە و فەرماندێ شورەشێن ئیلون و گولانێ، كەسایەتیێ شۆڕەشگێرێ ئێزدی، (سلۆ خدر حەجی) ل سالا 1942ێ ل ئێسفنێ ل سەنتەرێ قەزا شێخان ژ بنەمالەكا كورد و نشتیمان پەروەرا ئێزدی ژ دایك بوویە، ل سالا 1949 هەر ل ئێسفنێ دچیتە بەر خواندنێ و قوناغێن سەرەتایی و ناڤنجی تەمام دكەت، ل سالا 1959 خودێ ژێ رازی (سلۆ خدر) وەك قوتابیەكێ چالاك پەیوەندیێ ب رێكخستنێن نهێنیێن پارتی دیموكراتی كوردستان دكەت، ل سنورێ قەزا شێخان، ل سالا 1961 و دەسپێكا شۆڕەشا ئیلۆنێ خودێ ژێ رازی ل گەل هەڤالێن خوە چالاكیێن پارتایەتی ل دەڤەرێ خورت دكەن، و گیانێ نشتیمان پەروەری دناڤ خەلكێ دەڤەرێ دا گەش دكەن، هەر ل سالا 1961ژ بەر رۆلێ ویێ كاریگەر بۆ كوردایەتی و نشتیمانی پەروەریێ ل گەل چەند هەڤالێن وی ژ قوتابخانێ دهێنە دەرئێخستن، و نەچاردبن بچنە (ئەلقوش) و بەردەوامیێ بدەنە خواندنێ، ل دووماهی یا سالا 1962 ل گەل چەند هەڤالێن خوە دهێنە دەستەسەركرن ب بهانەیا وێ وچەندێ پروپاكندە بۆ شۆڕەشێ كرینە و سێ سالان ل زیندانا مۆسل دهێتە زیندانكرن، ل سالا 1963ێ دهێتە ئازادكرن و ئێكسەر پەیوەندیێ ب شۆڕەشا ئیلۆنێ دكەت، و دبیتە پێشمەرگە ل هێزا شێخان ل گەل سەرقولێ پێشمەرگەیی (حسۆ میرخان دولەمەری) هەر ل هەمان سال و ژ بەر رۆل و زیرەكییا خودێ ژێ رازی (سلۆ خدر) دبیتە جێگرێ بەتلیونا ئێك، ل گەل (صالح نەرمۆ) و ئەندام و كادرێن لژنا ناوچا شێخان و رۆلەكێ كاریگەر دگێرن، و پشكداریێ ل داستانا (بریفكا، باعەدرێ، ئەلقوش و تلان و بلان) دا دكەن، دەمێ شۆڕەشا ئیلۆنێ دا (سلۆ خدر) ل سنورێ لژنا شێخان دمینت و پشكداریێ د چەندین شەر و داستانێن مەزن دا دكەت، وەك شەڕێن( ئەلقوش، باعەدرێ، مرێبا، دەشتا شێخان) چەندین شەڕێن دی، و دبیتە جهێ باوەریا هەڤالێن خوە و هەر دوی دەمی دا دچیتە دەڤەرێن (بارزان، مێرگەسور، ئامێدی، زاخۆ، ئاكرێ، نەهلێ، سپیلك، سیدكان، سوران، بالەكایەتی)، چەند جاران ژی گەهشتیە دیدارا جەنابێ (مەلا مستەفا بارزانی) ل سالا 1965 فەرماندە (سلۆ خدر) هەڤژینێ ل گەل خانم (بەسێ خەلۆ حسێن) پێك دئتینت و خێزانا وی ئافرەتەكا دلسوز بوویە، و هەر دەم ل پشت هەڤژینێ خوە پێشمەرگە بوویە، و ل گەل هەمی نەخوشیێن ژیانێ خوە ڕاگربوویە بۆ زارۆكێن خوە دایكەكا هێژا و مەزن بوویە، بەری نسكویا سالا 1975ێ فەرماندە (سلۆ خدر) ل گەل هەڤالێن خوە پشكداریێ دچەندین شەڕ و داستانا دا دكەن، وەك (گەلیێ دێركێ، ملاچەپەرا، دێدەڤانێ، گەلیێ قەیسەری) پشتی سالا 1975ێ فەرماندە (سلۆ خدر) ژلایێ حوكمەتا بەعس ڤە دهێنە نەفیكرن بۆ پارێزگەها (سەماوە) و كەس و كارێن وی ل ئێسفنێ دهێنە سەركوتكرن و مال و ملكێ وان دهێنە بن دەستكرن، و ب زوری دبنە ناحیا باعەدرێ، ل سالا 1976ێ ل گەل دەسپێكرنا شۆڕەشا گولانێ فەرماندە (سلۆ خدر) وەك فەرماندەك پەیوەندیێ ب رێزێن شۆڕەشێ دكەت، ل هاڤینا سالا 1976ێ فەرماندە (سلۆ خدر) ب خێزان ڤە خوە دگەهینتە چیایێن كوردستانێ و چیتە دەڤەرا مزیریا و چەند هەیڤان ل وێرێ ئاكنجی دبیت، و دووڤدا دچیتە دەڤەرا بەرگارەی و ژیانەكا پری زەحمەتی دەرباز دكەن، ل سالا 1977ێ فەرماندە (سلۆ خدر) رۆلەكێ مەزن دگێریت و چەندین چالاكیێن پارتیزانی ئەنجام د دەت، ل دەڤەرێن (بەرێ گارەی، دەڤەرا مزیریا، بەرواری ژێری، ئاكرێ، زێبار، دەشتا شێخان)، ل سالا 1979ێ فەرماندە (سلۆ خدر) ل گەل فەرماندێ خودێ ژێ رازی (مەحمود ئێزدی) دچنە زوومێن گوندێ(ردێنی) یا ل دەڤەرا بەرێ گارەی ل وێرێ دمینن، و دووڤدا ژلایێ هەڤالەكێ وا خیانەت لێ دهێتەكرن و ژلایێ خوفرۆشەكی ب شەڤ دەمێ د خەو دا تەقە لێ دهێتەكرن و فەرماندە (مەحمود ئێزدی) شەهید دبیت و فەرماندە (سلۆ خدر) بگرانی بریندار دبیت، ل گەل خودانێ مالێ كو وێ شەڤێ ل بن كەپرا وان بوون، 
(سلۆ خدر) ب وێ برینا گران دهێتە ڤەگوهاستن بۆ گوندێ (كافیا) ل دەڤەرا زێباریا و ژلایێ پێشمەرگەی ڤە هندەك چارەسەریێن دەسپێكی بۆ دهێنەكرن، و پشتی بورینا (14) رۆژان، دختور (رزگار) دختورێ لقێ ئێك دگەهیتێ و هندەك چارەسەریێن دەسپێكی بۆ دكەت، و ژ بەر برینێن وی یێن دژوار دهێتە رەوانەكرن بۆ وەلاتێ ئیرانێ، و هەر هەمان سال و پشتی چارەسەری بۆ دهێتەكرن، فەرماندە (سلۆ خدر) ل دەڤەرا (تەرگەوە و مەرگەوەر) پشكداریێ ل كونگرێ نەهیێ پارتی دیموكراتی كوردستان دا دكەت، ل (زێوە) و ل سالا 1980ێ ب فەرمانا سەركردایەتیا پارتی دیموكراتی كوردستان، (سلۆ خدر) دزڤریتە دەڤەرا بەهدینان و دبیتە بەرپرسێ لژنا شێخان و ئاكرێ، و ل سالا 1982ێ دهێتە ڤەگوهاستن بۆ بارەگایێ لقێ ئێك وەك ئەندامێ لقێ ل كوماتە ل سەر سنورێ توركیا، و ل سالا 1984ێ (سلۆ خدر) دبیتە بەرپرسێ لژنا ناوچا دهۆك و شەش هەیڤان بەردەوام دبیت و پشكداریێ د چەندین شەرێن پارتیزانی دا ل دەڤەرێ دكەت ، ل سالا 1987ێ فەرماندە (سلۆ خدر) دهێتە ڤەگوهاستن و دبیتە بەرپرسێ لژنا ناوچا زاخۆ، هەتا ئەنفالێن سالا 1988ێ دوی ئەركی دا بەردەوام دبیت، دماوێ خەباتا خوە یا شۆڕەشا گولانێ دا خودێ ژێ رازی (سلۆ خدر) ل گەل هەڤسەنگەرێن خوە ل دەڤەرا بەهدینان پشكداری چەندین شەرێن پارتیزانی دا كرینە، وەك شەرێن ( مانگێشكێ، بادێ، زاخۆ، شەرمنێ، قەسرۆك، دێرەلوك، نسرا، دێرەلوشێ، گەلیێ كورتێ، گەلی رومان، زاویتە، دەكان)، ل سەرهلدانا سالا 1991ێ دا خودێ ژێ رازی (سلۆ خدر) پشكداریێ درزگاركرنا كوردستانێ دا دكەت، و ل دەڤەرا بەهدینان رۆلەكێ بەرچاڤ دگێریت، ل سالا 1995 خودێ ژێ رازی (سلۆ خدر) دبیتە ئەندامێ لقێ پارتی دیموكراتی كوردستان ل دهۆك بۆ كارۆبارێن كومەلایەتی، دژیێ خوەیێ شۆڕەشگێری دا فەرماندێ خودێ ژێ رازی (سلۆ خدر) چەندین جاران بریندار بوویە، ل سالا 1977ێ ل شەرێ تەلوە.
تُتاح هذه الصورة أيضا في: کوردی