هه‌لبه‌ستڤان ره‌شۆ عه‌يشان: گه‌له‌ك هۆنه‌رمه‌ندان هه‌لبه‌ستێن من ستراندينه
تۆڕا لالش/هۆگر نه‌جيب
ره‌شۆ عه‌يشان،هه‌لبه‌ستڤانه‌كێ ئێزدى يه نۆكه ل وه‌لاتێ سويد دژيت و دبێژت:كۆمكوژيا ئێزديان ل سه‌ر ده‌ستێ تيرۆرستێن داعشێ بوو ئه‌گه‌ر ده‌ست ب نڤيسينا هه‌لبه‌ستان بكه‌م.
هه‌لبه‌ستڤان “ره‌شۆ عه‌يشان” د ديداره‌كێ دا بۆ (تۆرا لالش)گۆت:” پشتى ڕێكخراوا تيرۆرستيا داعش هێرشى ده‌ڤه‌رێن ئێزديان كرين ب تايبه‌تى ده‌ڤه‌را شنگالێ و كۆمه‌لكوژى ئه‌نجام داين،ئه‌ڤێ چه‌ندێ كارتێكرنه‌كا مه‌زن ل من كرو هه‌ر ئه‌ڤ چه‌نده بوو ئه‌گه‌ر ده‌ست ب نڤيسينا هه‌لبه‌ستان بكه‌م، لێ به‌رى ڤێ چه‌ندێ ژى حه‌ز و شيان ل سه‌ر نڤيسينا هه‌لبه‌ستێ هه‌بوو”.
زێده‌تر گۆت: ” د نۆكه‌ده شيانێن ئاماده‌كرنا په‌رتۆكه‌كێ هه‌تا دوويان يێن هه‌ين، لێ ژبه‌ر نه‌بوونا ده‌مى نكاريه بگه‌هينمه قۆناغا چاپێ و ب هيڤيمه ده‌م ێێ بده‌ته من چاپ بكه‌م”.
هه‌روه‌سا دياركر:هۆنه‌رمه‌ندان گه‌له‌ك هه‌لبه‌ستێن من ستراندينه ژوانژى سترانێن ئۆلا ڕه‌سه‌ن و ڕۆژئاڤا و 3-8 و عه‌فرين و وه‌لاتێ من و بنگه‌هێ مه و چارشه‌مبا سه‌رێ سالێ،هه‌روه‌سا هه‌ردوو كليپێن ڤێ داويێ يێن هۆنه‌رمه‌ند تارق شێخانى ژ په‌يڤێن منن ئه‌وژى كليپێن جه‌ژنا رۆژييان و خه‌لاتێ ئێزدان.
ل گۆڕه‌ى گۆتنا ره‌شۆ،ئارمانجا وى ژ نڤيسينا هه‌لبه‌ستێ ده‌نگێ وه‌لاتێ خۆ و ڕێيا راست و پاقژ يا ئۆلا خۆ بگه‌هينته جيهانێ.
ناڤهاتى ل سالا 1983ێ ل گوندێ مه‌هه‌تا كه‌ڤن ل كۆمه‌لگه‌ها مه‌هه‌تێ ژ دايك بوويه و ل سالا 2003ێ كۆچبه‌رى وه‌لاتێ سويدێ دبت.
تُتاح هذه الصورة أيضا في: کوردی
