ل دەمەکێ نێزیک دێ 618 ملیار دینار بۆ هەرێمێ هێنە هنارتن
گاڤ
ئەندامەکێ لژنەیا دارایی یا پەرلەمانێ ئیراقێ راگەهاند کو ل دەمەکێ نێزیک دێ 618 ملیار دینار بۆ هەرێما کوردستانێ هێنە هنارتن.
د. خەلیل غازی، ئەندامێ لژنەیا دارایی یا پەرلەمانێ ئیراقێ بۆ گاڤ گۆت: ئەگەر چ پێشهاتێن نەرێنی و کێشە ل گەل وەزارەتا دارایی یا ئیراقێ چێنەبن، هەیڤانە دێ 618 ملیار دینار بۆ مووچەیێن فەرمانبەرێن هەرێما کوردستانێ هێنە هنارتن.
پشتی سەرەدانا سەرۆک نێچیرڤان بارزانی بۆ بەغدا و کۆمبوون و دیدارێن وی ل گەل سەرکردەیێن بلند یێن حکومی و حزبی یێن ئیراقێ، جڤاتا وەزیرێن ئیراقێ بابەتێ هنارتنا مووچەیێن فەرمانبەرێن هەرێمێ و راستڤەکرنا یاسایا بودجەیا گشتی د ناڤ کارنامەیا کۆمبوونێ دا زێدەکر.
تُتاح هذه الصورة أيضا في: کوردی