وه‌زاره‌تا ده‌رڤه یا ئه‌مریكا راگەهاندنەک ل دۆر سەرەدانا مەسروور بارزانى بەلاڤکر
گاڤ
وه‌زاره‌تا ده‌رڤه یا ئه‌مریكا راگه‌هاندنه‌ك به‌لاڤكر، ئه‌نتۆنى بلینكن، وه‌زیرێ ده‌رڤه یێ ئه‌مریكا پشته‌ڤانیا خۆ بۆ هه‌ماهه‌نگیا ئاڤاكه‌ر د ناڤبه‌را حكومه‌تا ئیراقێ و حكومه‌تا هه‌رێما كوردستانێ و ئێكگرتنا باشتر یا د ناڤبه‌را كوردان دا راگەهاندیە.
وه‌زاره‌تا ده‌رڤه یا ئه‌مریكا راگه‌هاندنه‌ك ل دۆر كۆمبوونا سه‌رۆكێ حكومه‌تا هه‌رێما كوردستانێ و وه‌زیرێ ده‌رڤه یێ ئه‌مریكا به‌لاڤكر و تێدا هاتیه، هه‌ر ئێك ژ بلینكن و مه‌سروور بارزانى بەحسا گرنگیا په‌یوه‌ندیێن ئه‌مریكا و هه‌رێما كوردستانا ئیراقێ كر، د چارچووڤه‌یێ پێگیریا هه‌ڤپشك دا بۆ سه‌قامگیریا هه‌رده‌مى ل ده‌ڤه‌رێ.
د پشكه‌كا دى یا راگەهاندنێ دا هاتیه، ئه‌نتۆنى بلینكن، وه‌زیرێ ده‌رڤه یێ ئه‌مریكا پشته‌ڤانیا خۆ بۆ هه‌ماهه‌نگیا ئاڤاكه‌ر د ناڤبه‌را حكومه‌تا ئیراقێ و حكومه‌تا هه‌رێما كوردستانێ دا نیشاندایه، هه‌روه‌سا پشته‌ڤانیا خۆ بۆ ئێكگرتنا باشتر ل ناڤبه‌را كوردان دیاركریه.
تُتاح هذه الصورة أيضا في: کوردی