د ڕۆژەکا وەکو ئيرۆدا چار ترۆمبێلێن مینرێژکری ل ناحيا گرعزێر و كۆمه‌لگه‌ها سیبا شێخ خدرێ و ل شنگالێ ھاتنە پەقاندن، دئه‌نجامدا زێده‌ترى هه‌زار وه‌لاتيێن سڤیل و بێ گونه‌هـ يێن ئێزدى هاتنه‌ شه‌هيدكرن و برينداركرن.

ل ئێڤاريا ڕۆژا 14ى ته‌باخا 2007ێ، تيرۆرستان چار ترومبێلین مينرێژكرى دناڤا وه‌لاتيێن بێ گونه‌هـ دا ل كۆمه‌لگه‌ها سیبا شێخدر و ناحيا گرعزێر ل شنگالێ په‌قاندن،ل ده‌ملده‌ست (314)كه‌س هاتنه‌ شه‌هيدكرن و پترى( 700) كه‌سان برينداربوون و (45) کەس ژی دبێ سەروشینن، نێزيكى هه‌زار خانیێن وەلاتیان ھاتنە خرابکرن.

17ساڵ ل سه‌ر كاره‌ساتێ دا ده‌رباز دبن و سالانه‌ ل شنگال و ژ ده‌مێ ئاواره‌بوونێ خه‌لكێ شنگال ل كه‌مپان و ژ ده‌رڤه‌ى كه‌مپاندا ئه‌ڤ بيره‌وه‌رى ب چه‌ندين چالاكيان دئێنه‌ ل بيرئانين، وه‌ك ڕێزگرتن ل سه‌ر گيانێ قوربانيان.

حکومەتا ھەرێما کوردستانێ ھەر( 314) کەس ب شەھید ھژمارکرن وکەسێن بریندار ژی ھەموو ل نەخۆشخانەیێن دھۆکێ ھاتنە چارەسەرکرن، هێزێن هه‌ڤپه‌يمانان به‌شه‌كێ برينداران بۆ چاره‌سه‌ريێ ڕه‌وانه‌ى ده‌رڤه‌ى وه‌لاتى كرن.