بنگههێ لالش بەژداری د فۆرما ههڤگۆهارتنا بیروبۆچۆنان کر
تۆرا لالش
شاندەکێ بنگههێ لالش کو پێک دهات ژ هەر دوو سهرۆكێن تایێن شنگال و سنونێ خەشۆ مرزا و سلێمان فانۆ، بەشداری د فۆرما گهۆرینا بیروبۆچۆنان دا کر و ئەڤ فۆرمە د ناڤبەرا پێشکێشکارێن خزمەتگوزاریان بۆ رزگاربوویێن داعش و ئاوارەیێن ل هەرێما کوردستانا عیراقێ دا هاتبوو ئامادەکرن.
فۆرم ژ لایێ رێکخراوا ژیان یا مافێن مرۆڤی و ئاژانسا ئەلمانی یا هاریکاریا نێڤدەولەتی (GIZ) ڤە هاتبوو رێکخستن، گەلەک لایەنێن حکومی، مرۆڤدۆستی، چاندی و رێکخراوێن جڤاکی یێن نێڤدەولەتی و ناڤخۆیی یێن گرێدایی ب بابەتێ پێشکێشکرنا خزمەتگوزاریان بۆ رزگاربوویێن ژ دەستێ داعشا تیرۆریست و ئاوارەیێن ل هەرێما کوردستانێ و ئەوێن ڤەگەریایی جهێن خۆ، تێدا د بەشدار بوون.
فۆرم دوو رۆژان، دووشەمب و سێشەمب 26 و 27ێ ئابا 2024ێ، بەردەوام بوو، ئارمانج ژی دیارکرنا خزمەتگوزاریێن هەیی، کێماسی، پێدڤی و پێشنیارێن پاشەرۆژێ بوو.
پشتی بابهت ب تێر و تهسهلی ب رێیا بڕگەیێن گرنگ و زانیاریێن بەرفرەهـ هاتیه شرۆڤهكرن، نەخشەرێیەکا پاشەرۆژێ بۆ کۆمێن ئارمانجکری هاتە دارشتن دا ژیانەکا باشتر بۆ وان بێتە دابینکرن و داكو ژ هزرێن رەشبین دەربکەڤن، ئەڤ یەکە ل سەر بنگەهێ گیانێ لێکتێگەهشتنێ و ژیانا خۆش هاتە ئاڤاکرن.
هەروەسا خالێن بهێز و لاواز د جڤاکێ دا هاتنە دیارکرن و کارێ بکۆم هاتە کرن ژ بۆ دابینکرنا ژینگەهەکا ئارام و زێدەکرنا هەولان بۆ پتر کرنا پشتەڤانیا حکومی و نێڤدەولەتی ژ بۆ ئاڤاکرنا ژێرخانا شنگالێ و ئهمنیهتا تاكێ شنگالی.
تُتاح هذه الصورة أيضا في: کوردی