بيرەوەریا (٦٣)سالیا شۆرەشا ئەیلولا مەزن ل باخچێ لالش مەهەتێ هاتە ساخکرن
تۆرا لالش
ل رێكه‌فتی (٢٠٢٤/٩/١٠)ێ ل دەم ژمێر (٦)ی هێڤاری رونشتنەکا ڤەکری ل سەر شۆرەشا ئەیلولێ و رۆلێ ئێزدیان دناڤا شۆرەشێ دا هاتە ب رێڤەبرن ژلایێ نڤیسكار مەهدی حەسەن بەرپرسێ نڤیسینگەها لالش و ب حازریا ماموستا فرج عسمان رێڤەبەرێ پەروەردا قەزا شیخان و نوونەرێ لیژنا شیخان کاظم الیاس و بەرپرسێ ریکخراوا شەهید محمود ئێزدی شیخ خیری نعمان و هەڤالین دگەل دا و دگەل کەسایەتیێ ئاینی پیر خلات الیاس و مجیور کریت بیبو و ژمارەیه‌كا ژ رەوشەنبیر و ماموستا و کەسایەتیێ دەڤەرێ روونشتن هاتە خەملاندن و گەنگەشەکرن.
ل دەستپێکێ بەرپرسێ نڤیسینگەهێ مهدی حەسەن ب خێرهاتنا مێهڤانا کر و و ل دووڤدا ئاماده‌بووی ژ بۆ خوینا پاكا شه‌هیدان خۆله‌كێ سه‌كنین.
پاشان نڤیسكار مەهدی ب دریژاهی بەحسێ شۆرەشا ئەیلولێ و ئارمانجێن شۆرەشێ و ئیکرێزیا شۆرەشێ و بیروباوەرێن گەلێ کوردستانێ ب شورەشێ و کا چاوا هەر ژ خانه‌قین تا کو زاخۆ ب ئیکرێزی دگەل شۆرەشێ و بارزانی بوون و چاوا ئێزدی تەڤلی ڤێ رێکخستنێ و چەکێ شەرەفێ هلگرتن دناڤ رێزێن شۆرەشێ دا و کوردستان ب وارگەهێ خۆ زانین و بەرەڤانیێ ژێ ب کەن ئەڤه و چەندین خالێن دیتر دانە خویاکرن.
نڤیسكاری ب به‌رده‌وامی ئاماژه دده وێ چه‌ندێ كو ئیکەمین جار بوو داگیرکەرا دان پێدان ب کوردستانێ كری و رێکەفتنا ١١ ی ئادارێ دگەل بارزانی و سەرکردایەتیا شورەشێ مۆرکرن و بەحسێ وێ خیانەتا بەعسیا و حکومه‌تین وی سەر دەمی كر و دیار کر.
ل داویێ ژی ئامادەبووییا گەلەک پرسیار و دانوستاندن کرن و سمیناربێژی ب تێر و ته‌سه‌لی به‌رسڤدان.
تُتاح هذه الصورة أيضا في: کوردی
