تۆرا لالش
ژ بۆ پتر هشیارکرنا کوڕ و کچان ل سەر تۆرێن جڤاکی و بۆ خۆ پاراستنێ ژ شاشی و مەترسیێن وێ، ل رێکەفتی 19/11/2024 بنگەهێ لالش تایێ شاریا ب هەماهه‌نگی ل گەل ئامادەیا کەلابدرێ یا تێکەل رابوون ب پێشکێشکرنا سمینارەکێ بۆ قوتابییان ژ هەردوو ڕەگەزان.
ئەڤ سمینارە ژ ئالیێ پارێزەر هۆگر کامل ڤە هاتە پێشکێش کرن و د ڤێ سمینارێ دا پارێزەری ب تێروتەسەلی بەحس ل شاش ب کارئینانا تۆرێن جڤاکی کر ب ئاوایێ داتاشۆیێ و دانوستاندنێ، هەروەسا گرۆڤەیێن کەتواری ل تۆرێن جڤاکی ژی هاتنە بەحس کرن، کو باشی و خرابیێن خۆ هەینە، بکارئینانا وێ بۆ فێربوون و زانستى، هەروەسا ئەگەر هات و کەسەکی/ێ ب شێوازەکی نەرێنی بکارئینا دبت بکەڤتە شاشیێن مەزن و ب سەردابرن و کارتێکرنێن خراب ل دەروون و پێگەها وان یا جڤاکی بکەت.
هەروەسا ئاماژە دا وان ئاریشەیان یێن ژ سۆشیال میدیایێ چێدبن، و چارەکرنا وان ئاریشەیان ب شێوەیێ یاسایی ل دووڤ یاسایێن حکومەتا هەرێما کوردستانێ، و داخواز ژ قوتابیان کر کو ب هشیاری سۆشیال میدیایێ بکاربینن دا کو ژ ناڤزراندنێ بێنە پاراستن.
تُتاح هذه الصورة أيضا في: کوردی
