مەسرور بارزانی، سەرۆکوەزیرێ حکومەتا هەرێما کوردستانێ، گەهشتە سویسرا ژبۆ بەشداریکرنێ دکۆڕبەندێ ئابوورييێ جیهانی ل داڤۆسێ، کو ئيساله سال ب دروشمێ (هاریکاری د پێخەمەت سەردەمێ ژیر) د ڕۆژێن 20 – 24 /1 دێ ئێتە ب ڕێڤەبرن.
د چارچووڤێ پشكداريكرنێ د کۆڕبەندێ دا، سەرۆکێ حکومەتێ، دێ کۆمەکا دیداران دگەل ژمارەکا سەرۆک و سەرۆکوەزیر و بەرپرسێن بلند یێن وەلاتێن جیهانێ ئەنجام دەت و دەرفەتێن پێشڤەبرنا هاریکاریێ دگەل هەرێما کوردستانێ شرۆڤە دکەت، ب تایبەت د وارێن ئابووری و بازرگانی و وەبەرهێنانێ دا.
هەروەسا ئيسال (مالا کوردستانێ Kurdistan House) ل داڤۆسێ، یا کو سالا بووری ل سەر ڕاسپاردەیا سەرۆکێ حکومەتێ هاتیە ڤەکرن، چەندین چالاکی ب پشكداريا ژمارەکا وەبەرهێنەر و سەرمایەدار و خودانکارێن کوردستانێ ڕێک دئێخت ب ئارمانجا ناساندنا هەرێما کوردستانێ و پێشڤەبرنا وەبەرهێنان و ئالوگۆڕا بازرگانی.
پشكداريا سەرۆکێ حکومەتێ د کۆڕبەندێ ئابووری یێ جیهانی یێ داڤۆسێ دا، د چارچووڤێ بزاڤێن بەردەوام دایە ژبۆ بهێزکرنا پێگەها هەرێما کوردستانێ ل سەر ئاستێ نێڤدەولەتی و دیپلۆماسی و پێشخستنا پرۆسەیا وەبەرهێنان و گەشەپێدانا ئابووری یە ل هەرێما کوردستانێ دا.
تُتاح هذه الصورة أيضا في: کوردی