تۆرا لالش
پسپۆرێ نەخۆشیێن هەناڤ و شەکرێ دیار دکەت، پاقلاوە ب ناڤێ خوارنێ دئێتە ناسین، چونکی بێ سوودە و زیانبەخشە.
د. یوسف خەتی، پسپۆرێ نەخۆشیێن هەناڤ و شەکرێ دبێژت: پاقلاوە چ ڤیتامین و مادەیێن کانزایی تێدا نینن و پره ژ کالۆرییان، و کالۆریەکا ڤالایە کو چ مفایێ ناگەهینتە لەشی.
ب گۆتنا ڤی پسپۆری، ژبەر ڤان ئەگەرێن ل خوارێ پاقلاوە خوارنەکا بێسوودە:
1- پره ژ وی جۆرێ شەکرێ کو ب لەزگینی د هێتە مژتن و هەرس بوون، یانی glycemic index یا زێدەیە، ئەڤەژی دبتە ئەگەرێ قەلەویێ و پەنکریاسێ ژی ماندی دکەت.
2- هەمی جۆرێن پاقلاوێ رێژەیەکا زێدە چەوری تێدایە کو ئەو ژی هەر ب زیانبەخش دهێتە هەژمارتن، بتایبەتی رۆنێ چەندجار بکارهاتی کو هەلگرێ زیان و نەخۆشیێیە.
3- هەموو جۆرێن پاقلاوێ سۆرکرن و برژاندنەکا زێدە ب سەردا دهێت دا کو ئامادە بت، کو ئەڤه‌ژی مادەیێن ژەهراوی دئێخیتە ناڤ پاقلاوێ.
4- مادەیێ بنگەهێ پێکهاتنا پاقلاوێ ئاردێ سپییە، کو ئەوژی پر وزە و بێ ڤیتامینە، لەوما وەکی شەکرێ زیانبەخشە نە کو سوودبەخش.
5- مادەیێن پێکهاتی یێن پاقلاوێ ژ کالۆریێن ڤالا پێکدهێن و چ ڤیتامین و کانزا تێدا نینن.
6- راستە پاقلاوە هندەک گویز و فستق تێدانە کو تەندروستن، لێ زیانێن شەکر، ئاردێ سپی و زێدە سۆرکرنێ ئەوەندە زێدەنە، کو سەرێ سوودا ژی دخۆن.
تُتاح هذه الصورة أيضا في: کوردی
