تۆرا لالش
پسپۆڕێن زانکۆیا دانوب ل نەمسا دبێژن، تەنۆلکێن بچوکێن بتلێن پلاستیکی دكارن بچنە ناڤ خانەیێن لەشی و کۆئەندامێ هەناسێ و پاشان بچنە ناڤ بۆریێن خوینێ، دوماهیکێ ژی دناڤ بۆریێن خوینێ بنیشن و تەسک بکەن، ب ڤی رەنگی پەستانا خوینێ بلند دبت.
د. لیسا جێپنەر، ڤەکۆلەر ل زانکۆیا دانوب دبێژت: بتلێن پلاستیکی نە بتنێ کارتێكرنێ ل سەر تێکچوونا هۆرمۆنان دکەن، بەلکو دبنە ئەگەرێ بلندبوونا پەستانا خوینێ ژی.
د. لیسا جێپنەر تەئکید کر کو ل جهێ بتلێن پلاستیکی باشتر ئەوە کو بتلێن شووشە بهێنە بکارئینان.
هەر ژ بەر ڤێ چەندێ، پسپۆر شیرەتێ ددەن کو ب شێوەیەکێ سنووردار ئاڤا د ناڤ بتلێن پلاستیکی دا بهێتە ڤەخوارن و کارگەهــ ژی ڤان جۆرێن پلاستیکان ژ مادەیێن قایم و کوالیتیا باش چێبکەن.
ل دویڤ زانکۆیا فودان ل چین، گەردیلێن ورد یێن پلاستیکی ئەڤ مەترسیێن ل خوارێ ل سەر مرۆڤی هەنە:
- تێکچوونا هۆرمۆنان.
- زێدەبوونا ئەگەرێ تووشبوونا جەلتە و نەخوەشیێن دل و بۆریێن خوینێ.
- زێدەبوونا ئەگەرێ تووشبوونا شێرپەنجەیێ ژ ئەنجامێ بەرکەفتنا درێژ ب پلاستیکان.
- کێمبوونا کارا گورچیلان و ژەهراویبوون.
- لاوازبوونا بیرهاتنێ و شیانێن فێربوونێ.
- تووشبوونا تەنگەنەفەسی و هەناسەتەنگی.
- تێکچوونا بەرگریا لەشی و زێدەبوونا ئەگەرێ تووشبوونا نەخوەشیێن وەک گورگەسوور، هەڤکرنا مۆڤیکان و دەردە رێڤی.
تُتاح هذه الصورة أيضا في: کوردی