تۆرا لالش
سبهی ل رێكهفتی 8/4/2025ێ ل كۆمهلگهها شاریا دێ دهست ب دابهشكرنا مينحهيا سەرۆکوەزیران مەسرور بارزانی بۆ هەیڤا سێ ل سەر ڕزگاربوویێن ئێزدی ژ دەستێ داعشێ ل ئاڤاهيێ بنگههێ لالش تايێ شاریا ل هۆلا لالش ئێك ئێتهكرن.
پرۆژێ پشتهڤانى يا دارایی بۆ رزگاربوويان،وەك قۆناغا دەستپێكێ سێ هەزار و 575 كەس، ژ هەردوو ڕەگەزان و تەمەنێن جیاواز مفاداربوون، پرۆژە ژلایێ بنگەهێ لالش يێ ڕهوشهنبیری و كۆمەڵایەتی دئێته ب رێڤهبرن،هەروەسا چهند رزگاربوويى ژى دناڤا ئهڤێ تيمێ دا بهشدارن.
ئەڤە ههفتهمین مەهە مینحەیا سەرۆک وەزیران مەسرور بارزانی، بێ جوداهی، بۆ پتر ژ سێ ههزار و 500 وەلاتیێن ئێزدی تێتە دابەشکرن کو پشتی سالا 2014 ژ بن دەستێ داعشێ هاتینە ڕزگارکرن.
لدووڤ خشتهيێ بۆ دابهشكرنێ هاتيه بهلاڤكرن، دابەشکرنا مینحەیا سەرۆک وەزیران ل هەر چار تايێن بنگههێ لالش، شێخان، شاریا، خانکێ و دێرەبوونێ بۆ ماوەیێ چەند ڕۆژان دێ بەردەوام دبت.
بریارا دانا ڤێ مینحەیێ ڤەدگەرت بۆ مەها تشرینا دووێ یا سالا بوری کو حکومەتا هەرێما کوردستانێ مینحە بۆ سێ ههزار و 574 کەسێن ئێزدی دابین کریە، ب تایبەتی ژی بۆ ئەوێن ژ دەستێ داعشێ هاتینە ڕزگارکرن.
پشتی هێرشا داعشێ بۆ سەر شنگالێ، کوردێن ئێزدی ئاوارەی هەرێما کوردستانێ بووینە و ب گۆرەی ئاماران، نوکە پتر ژ 135 ههزار ئێزدی ل کەمپێن دهۆک و هەولێرێ دژین.
ههروهسان دابهشكرنا مینحهیا دارایی دێ ل گۆر ڤی خشتێ ل خوارێ بت.
تُتاح هذه الصورة أيضا في: کوردی