تۆرا لالـش
ژبۆ بتر دانەناسینا رێورەسمێن ئاینێ ئێزدی و بەڵگەکرنا وان داکو نفشی نوو و کەسانێن ژئاینێن دی مفایی ژێ وەرگرن پەرتوکەکا تایبەت ل دۆر رێورەسمێن مرنێ وتازییا هاتە وەشاندن.
ڕێکەفتی27/12/2025، پهرتووكهك ل ژێر ناڤونیشانێ ڕێورەسمێن مرنێ و تازیێن ئێزدیان یا نڤیسكار هۆگر حهیدۆ ل بنگەهێ لالش تایێ شاریا هاتە ئیمزاکرن، د پێشەکییا ڤێ پەرتووکێ دە نڤیسەری ئاماژە دایە گرنگییا هەلبژارتنا ڤی بابەتی وپاشی دچەند سەر دێرەکاندە باس ل چەندین رێورەسمێن مرنێ وتازیا یێن گرێدایی ئاینی ئێزدێ کر.
دلاپەڕێن دەستپێکێ دە دیارکریە کو هەر ئایینەکی رێورەسمێن خۆ ییت تایبەت هەنە، ئەڤجا دناڤ ئێزدیان دە دبێژنێ کراس گهۆرین، دپێرە ب چەند سەبەقێن قەولان مرن ل جەم ئاینێ ئێزدی بەحسکریە، پاشی د چەند ڕێزەکاندە دیارکریە کا چاوە ئێزدیان باوەری ب مرنێ هەیە،پاشی نڤیسەری ئاماژە دایە چاوانییا رێورەسمێن شوشتن و ڤەشارتنا مری ل جەم ئێزدیان، دپێرە چەوانیا هەلبژارتنا گۆڕستانێ بچەند سەبەقێن قەولی بەحسکریە.
پاشێ دچەند رێزەکاندە بشێوەکی گشتی ئاماژە دایە رێورەسمێن تازییان و هندەک گۆتنێت پێشین یێن ئێزدییا و پاشی چەندین قەول و دوعایێن گرێدایی مرن و رێورەسمێن تازیێ دپەرتۆکی دە بەلاڤکرینە، ژوانژی قەولێ سەرەمەرگئ، دوعایا تەلقینێ، دوعایا سەر گیانێ مری و قەولێ دەمێ ڤەشارتنا بابێ شێخ دئێتە گۆتن.
هەژی گۆتنێ یە پەرتووکا هوگر حەیدۆی ژقەبارێ ناڤینە، پێداچۆنا زمانی ساکار کامل، پێداچۆنا زانستی شەمال خهمۆ و ژ دیزاینا عبدالرحمن بامەرنی یە و ل چابخانا هاوار دهۆک هاتیە چاپکرن.
تُتاح هذه الصورة أيضا في: کوردی