تۆرا لالش
سەرۆک بارزانی، ب فەرمی بانگهێشتی ئیتالیا هاتە کرن و بڕیارە ئیرۆ چارشەمبوویێ، 21ـی کانوونا دووێ 2026، ل گەڵ پاپایێ ڤاتیکانێ لویسێ چاردێ کۆم بت.

بڕیارە سەرۆک بارزانی، ل ڤاتیکان ل گەل پاپا لویسێ چاردێ و بەرپرسێن ئیتالیا کۆم بت، هەروەسا ئانۆ جەوهەر وەزیرێ ڤەگوهاستن و گەهاندنێ یێ حکومەتا هەرێمێ یاوەرییا سەرۆک بارزانی دکەت.

ئارمانجا سەرەدانا سەرۆک بارزانی بۆ ئیتالیا زێدەتر بهێزکرنا پەیوەندییێن دوقۆلی یە د ناڤبەرا هەرێما کوردستان و ڤاتیکانێ دا، هەروەکو چاوان دماوێ بۆری دا چەندین جاران شاندێن کوردی ب فەرمی هاتینە داخوازکرن.

کۆمکرن و بدەستڤەئینانا پتر پشتەڤانییێ بۆ کوردان ژی ئارمانجەکا دی یا سەرەدانا سەرۆک مەسعود بارزانی یە.