تۆرا لالش
ئیرۆ رۆژا دووشەمبوویێ٢٠ێ نیسانا ٢٠٢٦ێ، شاندەکی بنگەهێ لالش یێ رەوشەنبیری و کۆمەڵایەتی، پشكداری د رێورەسمێن ڤەکرنا پێنجەمین کۆنفرانسێ زانستی یێ نێڤدەولەتی یێ زانکۆیا نەورۆز دا کر، کو ل ژێر ناڤونیشانێ «کۆچکرن و ئاوارەبوون ل کوردستانێ ب درێژاهیا دیرۆکێ» ب ڕێڤە د چت.
شاندێ بنگەهێ لالش ب سەرپەرشتیا بەڕێز (سەعید جردۆ)، سەرۆکێ بنگەهێ لالش و ب هەڤالینیا پڕۆفیسۆر (سەعید خدیدا)، جێگرێ سەرۆکێ بنگەهی و ژمارەیەکا ئەندامێن دەستەیا بلندا بنگەهی، د ناڤ کۆنفرانسیدا ئامادە بوون، ب تایبەت کو مژارا کۆنفرانسی (کۆچکرن و ئاوارەبوون) پەیوەندیەکا راستەوخۆ ب دیرۆک و ژیانا پێکهاتەیێن دەڤەرێ ڤە هەیە.
کۆنفرانس کو ل هۆلا (رەحمێ ئەحمەد) ل زانکۆیا نەورۆز هاتە ئەنجامدان، مەرەم ژێ ڤەکۆلینا رەهەندێن جودا یێن ئاوارەبوونێ بوو د دیرۆکا کوردستانێ دا.
زانکۆیا نەورۆز ژ لایێ خۆ ڤە بخێرهاتنا شاندێ میهوان کر و ئاماژە ب وێ چەندێ دا کو ئامادەبوونا کەسایەتیێن ئەکادیمی و رەوشەنبیری، هێز و پێگەیەکێ زێدەتر ددەتە کاروانێ زانستی یێ زانکۆیێ و سەرکەفتنا کۆنفرانسی.
تُتاح هذه الصورة أيضا في: کوردی