ۆرا لالـش
مەسرور بارزانی برا گەورەیێ مەیە و سەرکردەیەکێ سەرکەفتی یە، ژبهركو ل ناڤ ئاگرێ ناڤچەیێ دا کوردستان ئارام ڕاگرتیە و ل ناڤ قەیرانان ژی دا هیڤییان بۆ خەلکی دروست دکەت.
ڕۆژنامەڤان / مەهدی حەسەن
برایێ مەزن و سەرکردێ سەرکەفتی.. مەسرور بارزانی
ئیرۆ جارەکا دی سەرۆکێ حکومەتا هەرێما کوردستانێ بەرێز مەسرور بارزانی سەلماند کو ئەو برایێ مەزنێ ڤی مللەتی یە، سەرکردەیەکێ سەرکەفتی یە و قەلغانێ هیڤیێن خەلکێ کوردستانێ یە.
د کۆنفرانسێ وی یێ رۆژنامەڤانی دا ئەم دوو جۆرێن سەرکردایەتیێ دبینین، سەرکردایەتیەکا حەکیم ل ئاستێ ناڤچەیێ و سەرکردایەتیەکا نێزیک ژ خەلکێ خوە ل ناڤخۆ دا.
ئێكهم: ل ئاستێ ناڤچەیێ، سەرکردەیەکی ئاشتیخواز
دەمێ هەموو ناڤچە د ئاگرێ شەر و گرژیان دایە و هێشتا گرژی ب دووماهی نههاتینە، سەرۆک مەسرور بارزانی ب زمانەکێ دیپلۆماسی و حەکیمانە راگەهاند “هەرێما کوردستانێ بەشەک نییە ژ کێشەیان و چ جاران ژی نەبوویە بەشەک ژ کێشەیێن ناوچەیێ و ئەڤە پەیاما ئاشتیێ یە. مهسرور بارزانی ئەو سەرکردەیە ناخوازت مللەتێ مە ببتە قوربانییا شەرێ خەلکێ دی.
دگەل چارەسەریا ئاشتیانە دایە، نەک دگەل ئالۆزییێ، ئەڤە جوداهی یا سەرکردێ مەزنە ژ یێن پچووک.
دووەم: ل ئاستێ بەغدا، سەرکردەیەکێ ب هێز و دانەر
ئەم هەموو دبینین چاوا ب زمانەکێ ب هێز بەرگریێ ژ مافێ خەلکێ کوردستانێ دکەت و د هەمان دەم دا دەستێ برایەتیێ بۆ بەغدا درێژ دکەت.
دبێژت پەیوەندیێن هەولێر و بەغدایێ د ئاستەکێ زۆر باش دانە، هاوئاهەنگی مە یا هەی، ئەم ئامادەینە هاریکارییا حکومەتا فیدرال بکەین و پشتهڤانییا حکومەتا عەلی زەیدی دکەین د چاکسازیێ دا.
لێ د هەمان دەم دا ب وێرەکی دبێژت: مە نەڤێت خەلکێ کوردستانێ کێمتر ژ خەلکێ عێراقێ مامەله دگەل وهلاتیێن مه ب هێتەکرن، بەشێ مە ژ بودجەی نادەن، تێچۆیا دەرئینانا نەفتێ ل سەر کۆمپانیایانە و نەفت بۆ ناڤخۆ یا کێمە، د حەقێ خودا پشکا مە ژ 126 هزار بەرمیلان پترە ب گورەی دانیشتوان.
ئەگەر داهاتێ مە گەهشتە 120 ملیاران ئەم ئامادەینە بینێرین، لێ دڤێت بەغدا پێداچوونێ ب بریارا خوە بکەت، ئەڤەیە سەرکردایەتیا سەرکەفتی، ب زمانێ دبلۆماسیێ مافا نادەت و ب زمانێ هێزێ دەرگای ناگرت.
سێ: ل ئاستێ ناڤخۆ، برایەکێ نێزیكی خەلکی
سەرۆک مەسرور بارزانی وەک برایەکێ مەزن بەرپرسیاریەتیێ هەلدگرت و دبێژت “قەیرانا سووتەمەنیێ دێ دەرباز بت، مە یا مەزنتر ژێ دەربازکریە”. ئەڤ رستە ب تنێ هیڤیەکا مەزنە بۆ خەلکی، و ب راستی ژی دبێژت بەشەکا گرانبوونا بەنزینێ بۆ ئالۆزیێن ناڤچەیێ و بلندبوونا بهایێ نەفتێ یە ل جیهانێ دزڤرت.
ل سەر کارەبێ ژی ب شەفافیەت ئاخڤی، نە ڤەشارتیە، کێمبوونا کارەبێ ب ئەگەرێ کێمبوونا گازا دانا غازە، کو ژ بەر مەترسیا ئەمنی ب شێوەیەکێ تاکلایەنە بەرهەمێ خوە کێمکریە، لێ حکومەت ل سەر هێلێ یە و د نێزیک دا دێ چارەسەر بت، و سۆزا کارەبا 24 دەمژمێری یا ب رێکا پڕۆژێ رووناکی یێ ب شێوەیەکێ رێکوپێک ب رێڤەدچت، هەروەسا ئەسیکۆدا کو دێ رەوتا بازرگانیێ ل هەرێمێ ئاسان کەت، گهلهك نهمایه بگههته دوماهیێ.
و ئەو خالا هەری گرنگ، ئەو بێژت “مخابنی ڤه تا نها سیستەمێ بەرگریا ئەسمانی ل هەرێمێ نینە و بەشەک ژ وان درۆنێن ئاراستەی هەولێرێ دهێنەکرن ژ مووسلێ ڤە دهێن”، ئەڤە وێرەکییا برایێ مەزنە کو راستیێ بێژت و بەرگریێ ژ هەولێرا پایتەخت بکەت.
چارەم: داخازا ئێکگرتنێ
ل دوماهیکێ داخوازا وی یا بۆ کاراکرنا پەرلەمانی و پێکئینانا حکومەتەکا رەنگڤەدانا خواستا خەلکی بت، پەیامەکا نشتیمانیە، چونکی دزانت بێ پەرلەمان و حکومەتەکا بهێز، نکاری بەرگریێ ژ مافێن خەلکی بکەی.
بۆچی ئەم دبێژین برا گەورە یێ سەرکەفتی؟
چونکی ئەو سەرکردەیە ل دەمێ قەیرانان خەلکێ خوە ب تنێ ناهێلت، سوپاسیا خۆراگریا خەلکی دکەت و دبێژت “حکومەت بەردەوامە ل سەر پاراستنا مافێن وە و هەرچی ژ دەستێ مە بهێت دێ بۆ هەوە کەین”، ئەڤە زمانێ برایە، نەک تەنها سەرۆکی.
بۆ زانین، ئەو کەسێ ئیرۆ ل هەرێمێ داهاتێ نانەفتی کێم بووی و کارەب کێم بووی و قەیران هەی، لێ د هەمان دەم دا پڕۆژێن مەزن وەک رووناکی و ئەسیکۆدا ب رێڤەدبەت و پەیوەندی دگەل بەغدا باشترین ئاست دایە، ئەڤە ب خوە سەرکەفتنە.
بۆ هندێ ئەم دبێژین مەسرور بارزانی برا گەورەیێ مە یە و سەرکردەیەکێ سەرکەفتی یە، چونکی ل ناڤ ئاگرێ ناوچەیێ کوردستان ئارام راگرتیە و ل ناڤ قەیرانێ ژی هیڤی بۆ خەلکی دروست دکەت.
هەر بژیت حکومەتا خزمەتکار و هەر بژیت برا گەورە.
تُتاح هذه الصورة أيضا في: کوردی