تۆرا لالش
ب هەلکەفتا (80) سالیا دامەزراندنا پارتی دیموکراتی کوردستان و ههروهسان (80) سالییا ژدایکبوونا جەنابێ سەرۆک مەسعود بارزانی، گەرمترین و جوانترین پیرۆزباهیان ئاراستەی جەنابێ سەرۆک بارزانی و هەموو ئەندام و ئالیگرێن ڕێبازا پیرۆزا پارتی و بارزانی دکەین.
16ـی تهباخا 1946ـێ خالا وەرچەرخانێ بوو ل دیرۆک و خەباتا كوردستانێ دا، دهمهژمێرا ڕاگەهاندنا ڕێبازەکێ بوو کو ل سەر دەستێ ڕابەرێ نەتەوەیی مەلا مستەفا بارزانی نەمر هاتە پەیرەوکرن، بارزانییێ نەمر ب خەبات و مێرخاسی و سەربلندیا خوه سەلماند کو ئیرادا گەلێ کوردستانێ ناهێتە شكاندن و بنەمایەکێ نهتهوهی یا ئاسنی بۆ ئازادیخوازیا کوردستانێ دارشت.
د ڤان (80) سالێن پر ژ خەبات، تێکۆشان، ئاڤەدانی و کۆلنەدانێ دا، پارتی دیموکراتی کوردستان هەردەم د چەپەرێن بەرەڤانیکرنێ دا بوویە دژی هەموو داگیرکەر و دوژمنان، پارتی سمبولا پشتهڤانی و پاراستنا پێکهاتەیان بوویە و هەردەم پشتەڤانەکێ ب هێز و راستگۆ و ڕاستەقینە بوویە بۆ کوردێن ئێزدی و د ڤێ ڕێیێ دا مەزنترین قوربانی دایە.
هیڤدارین پارتی دیموکراتی کوردستان ل ژێر سەرکردایەتیا حەکیمانە یا سەرۆک بارزانی، بەردەوام بت د سەرکەفتن و خەباتا خۆ دا بۆ پاراستن و بدەستڤەئینانا دەستکەفتێن نیشتمانی و نەتەوەیی.
د ڤێ بیرەوەرییا پیرۆز دا، سەرێ ڕێز و نەوازشێ بۆ گیانێ پاکێ بارزانیێ نەمر و كاك ئیدریسێ ههردهم ساخ و هەموو شەهیدێن ڕێیا ڕزگاریخوازییا کوردستانێ دا دچەمینین.
دووباره سالڤهگهرا دامهزراندنا پارتی و ژ دایكبوونا سهرۆك بارزانی پیرۆزبت
دەستەكا بلندا بنگههێ لالش ل دهۆكێ
16ـی تهباخا 2026ێ
تُتاح هذه الصورة أيضا في: کوردی