مەسرور بارزانى، سه‌رۆكێ حكومه‌تا هه‌رێما كوردستانێ ڕاگەهاند، کۆمارا ئیسلامی يا ئيرانێ ب درۆنان ئێرش كره‌ سەر نڤيسینگەها وى يا تایبەت و مالا ڕێڤەرێ ئاژانسا پاراستن و زانیارييان. دبێژت، ئێرش گەفەکا راستەوخۆیە ل سەر ئاساییش و سەقامگیرییا هەرێما کوردستانێ.

د هەژمارا خۆ يا تایبەت دا ل تۆڕا جڤاكى يا “ئێکس” پەیامه‌ك به‌لاڤكر و ڕاگەهاند، ” ل دووڤ ڤەکۆلين و زانيارييێن پشت راستكرى يێن دژەتیرۆرا کوردستانێ، ئيرۆ نڤیسینەگا من یا تایبەت و مالا رێڤەبەرێ ئاژانسا پاراستن و زانیاری بووینە ئارمانجا ئێرشێن درۆنێن ئیرانێ.”

د پەیاما سه‌رۆكێ حكومه‌تێ دا هاتييه‌، ” ب توندی ڤان ئێرشێن بێ بنەما و قەبوولنەکری شەرمزار دکەم.”