تۆرا لالش
ئيرۆ سێشەمبێ، 25ـى تهباخا 2026، مەسرور بارزانی، سهرۆكێ حكومهتا ههرێما كوردستانێ پەیامەک ل دۆر ئەنفالا بههدينان بەلاڤکر و ڕاگەهاند، ئيرۆ ل 38ههمین سالڤەگەڕا شاڵاوێن بەدناڤێن ئەنفالا بههدینان دا، ب ڕێز و شکۆڤە یادا قوربانیيێن وێ جینۆسایدی دکەین، پێدڤییە حکومەتا فیدڕال قەرەبوویا کەس و کارێن گشت قوربانیيان بکەت، ئەم ژی پابەندین ب خزمەتکرنا بتر یا کەس و کارێن شەهید و ئەنفالکریيان.
دەقێ پەیاما مەسرور بارزانی د يادا ئەنفالێن بههدینان دا:
ئيرۆ ل 38 سالییا شالاوێن دڕندانە یێن ئەنفالا بادینان، ب ڕێزڤە هەموو قۆربانییێن وان تاوانێن دڕاندانە ل بیر دئینین كو د دووماهی قووناغا ئەڤێ شالاوا دڕندانە و جیۆناسایدێ دا، ڕژێما پێشتر یا عیراقێ ب هزاران مرۆڤێن بێی تاوان ژ پێكهاتەیێن جۆدا یێن دەڤەرا بادینان شەهید و بێسەرشوون كرن، هەروەسا ب سەدان گوند ژی وێرانكرن كو دەرئەنجام بوو ئەگەرێ ئاوارەبوون و دەربەدەربوونا دەهان هزاران كەسان.
دڤێ هەلكەڤتا خەمگیندا، جارەكا دی دووپات دكەین كو پێدڤییە حكومەتا فیدرالا عیراقێ هەموو كەسوكارێن قۆربانییێن تاوانا جینۆسایدا ئەنفالێ و كیمیا بارانێ و هەموو قۆربانییێن دەستێ ڕژێما پێشتر قەرەبوو بكەت، حكومەتا هەرێما كوردستانێ ژی وەكو هەردەم، پابەندبوونا خۆ ب خزمەتكرنا زێدەتر یا كەسوكارێن شەهید و ئەنفالكرییان دووپات دكەت.
دروود بۆ گیانێ پاکێ قوربانیيێن جینۆسایدا ئەنفالێ و گشت شەهیدێن کوردستانێ.
مەسرور بارزانی
سەرۆکێ حکومەتا هەرێما کوردستانێ
2026/8/25
تُتاح هذه الصورة أيضا في: کوردی