پارێزەرەكێ شنگالێ داخوازا جینۆساید ناساندنا كارەساتا ئێزدیان دكت
تۆرا لالش یا راگەهاندنێ/جیهان عەبۆ
پارێزەرەكێ شنگالێ دبێژت،3ئابا 2014،خالەكە رەشە ددیرۆكا گەلێ ئێزدی دە و دڤێ رۆژێ دە هەستیا مرۆڤاتیێ هاتیە شكاندن و مرۆڤاتی مر،پێتڤیە ئەڤ رۆژە ب جینۆساید ناساندنا گەلێ ئێزدی بێتە ناسكرن.
پارێزەر سەعید خودێد شنگالی،بۆ تۆرا لالش یا راگەهاندنێ گۆت:”كارەساتا 74ێ دڤێ رۆژێ دە هاتیە تۆماركرن،چنكی ئەو كەسانێن بوونە ئەگەر كو ئەڤ كارەساتە ب سەرێ گەلێ ئێزدی بێت ئەرەب وكریڤێ مە یێ خوونێ و دۆست و هەڤال بوون هاریكاریا داعش كرن هەتاكو شنگالێ داگیر بكن و كارەساتەكە مەزن ب سەرێ ئێزدیان بینن و ئەڤە چ جار ل دونیایێ نائێتە ژ بیركرن.
پارێزەری گۆتژی دڤێ رۆژێ دە نێزیكی چار هزار كچ و ژنێن ئێزدیان هاتنە گرتن ژلایێ تیرۆرستێن داعش ڤە و گەلەك دەست درێژی ل سەر وان هاتنە كرن و هەتا ڤێ گاڤێ چ پلان دروست و رێكخستی یێن نێڤ دەولەتی ب شێوەیەكێ رێك وپێك نەهاتینە دانان بۆ رزگاركرنا ئەڤان كچ و ژنان ،هندەك مالبات ژبۆ كرینا كچێن خۆ گوژمەكێ دراڤی ددەن.
شنگالی ئاشكەراكر:”داعشێ چەندین ڤیدیۆ ل سەر زارۆكێن ئێزدیان بەلاڤكرن كو تێدە ب زۆری قورئان ب وان دا خووندن و ئەو فێری بابەت و كارێن تیرۆرستی كرینە،دڤێت رێكخراوێن مافێ زارۆكان كار بكن،ژبۆ رزگاركرنا ئەڤان زارۆكان لێ ئەڤە بۆ ماوەیێ پتر ژ سالەكێ یە چ تشت نەهاتینە كرن”.
ناڤهاتی زێدەتر گۆت:”رۆژا 3/8/2014 و ل هەر سالەكێ رۆژەكە رەشە ددیرۆكا گەلێ ئێزدی دە و دڤێت ئەڤ رۆژە ب جینۆساید ناساندنا گەلێ ئێزدی بێتە ناسكرن”.
تُتاح هذه الصورة أيضا في: کوردی