ئۆغه‌را ته بخێر بیت شێخ شامۆ …
عەلیێ عەونی
کۆڤانا ژ دەستدانا شێخ شامۆیێ کوردپەوەر ، کەڤران دهینیتە گرین . ب مال ئاڤایی کرنا تێکۆشەر و کوردپەروەرێن مینا شێخ شامۆی و پیر خدری و بەشیرێ گۆریە ، ترسەکا مەزن کەتیە دلێ من .
تو دبێژی قای نۆبەتا مال ئاڤایی کرنا مێرێن ژێهاتی و بکێرێن ئێزیدخانێ یە . گەلەک مخابن بۆ کۆچبار بوونا برا و شێخێ مە یێ خودان هەلویست و هش و بیر . بۆ ڤێ خەم و نیهارا ب ژان ، سەرساخیێ ل خۆ و ل برایێن خۆ هادی و خەیری و برازایێن خۆ نێچیرڤان و زەردەشتی دکەم . ژ خودێ سەبر و هەدارێ بۆ مالبات و کەس و کارێن شێخێ دەلال دخوازم و بلا رەحما خودێ لێ بیت . ڤالاتیا وی قەت تژی نابیت . کوردستانێ و ئێزیدخانێ زیانەکا گەلەک مەزن دیت . کەد و خەباتا وی ژ بۆی ناساندنا ئێزیدیاتیێ و گرێدانا ئۆل و کوردایەتیێ بۆ هەتا هەتایە دێ ل بیرا کوردستانیان بیت . ناڤەندا رۆشنبیریا لالشێ و گۆڤار و بەڵاڤۆکێن ڤی دەزگەهی شاهدێن وینە لبەر خودێ و گەلێ وی .
یادا تە هەر ساخ بمینیت شێخ . رویێ تە سپی بیت شێخ . خودێ هەدارێ بدەتە مە هەمووان . ئۆغەر بخێر بیت.
برایێ تە عەلیێ عەونی
تُتاح هذه الصورة أيضا في: العربية