پێشبینی دئێتە كرن 41گۆرێن بكۆم ل شنگالێ بێنە دیتن
تۆرا لالش یا راگەهاندنێ
ل سنوورێ قەزا شنگالێ هەتا نۆكە 25گۆرێن بكۆم یێن كوردێن ئێزدی هاتینە دیتن،پێشبینی دئێتە كرن پشتی كۆنترۆلكرنا دەڤەرێن ماین یێن دبن دەستێ داعشێ دا،ژمارە بۆ 41 گۆڕان زێدە بت.
قایممقامێ شنگالێ(مەحما خەلیل)بۆ دەنگێ لالش دیاركر،داخوازێ دكەین گۆرێن ل سنوورێ قەزا شنگالێ هاتینە دیتن بێنە راكرن و ژبلێ خرابكاریا چ تشتێ دی نەهاتیە كرن ژبۆ گۆران، پێشبینی دكەین ژی پشتی كۆنترۆلكرنا دەڤەرێن ماین یێن دبن دەستێ داعشێ دا ژمارا گۆران ببتە 41.
وەلاتیێ گوندێ وەردیە ل شنگالێ(فێسەل رەڤو)كو زێدەتری 70كەسان ژ مالبتا وی هاتینە كوشتن و گرتن بۆ دەنگێ لالش گۆت:رێز ل قوربانیان و ل كەس و كارێن وان نائێنە گرتن ،چنكو هەستیێنن قوربانیان ل زڤستانێ ل بەر بارانێ چوون و ل هاڤینێ ژی ئاگر بەربوو دەخلا و هەستیێن مرۆڤان ژی هاتنە سۆتن.
ل 15تەباخا2015ێ،ب ئامادەبوونا سەرۆكێ حكوومەتا هەرێما كوردستانێ نێچیرڤان بارزانی،67رفاتێن سێ گۆرێن بكۆم ل مەزارگەها شەرفەدین هاتنە بن ئاخكرن.
تُتاح هذه الصورة أيضا في: کوردی