پتری 1572وەلاتیێن ئێزدی دكارەستا شنگالێ دا هاتینە كوشتن
تۆرا لالش یا راگەهاندنێ
ئەندامەكێ دەستەیا بلندا بنگەهێ لالش ل دهۆكێ ئاشكەراكر،دفەرمانا 74ێ و كارەساتا ب سەرێ كوردێن ئێزدی دا هاتی ل شنگالێ،پتری 1572ئێزدی هاتینە كوشتن و نێزیكی 420 هەزار ئێزديان ئاوارەبووینە.
شەمۆ قاسم،بۆ دەنگێ لالش دیاركر،ڤەرێژا فەرمانا 74ێ چەندین ئاریشە هاتنە قادێ،ژوانا ئاوارەبوونا نێزیكی 420 هەزار ئێزدیان و هندابوون و گرتنا( 5750 )كەسان و( 1572) ئێزدی هاتنە كوشتن و (2783) گرتیێن ئێزدی ژ دەستێ تیرۆرستێن داعشێ هاتینە رزگاركرن،ئاوارەیێن شنگالێ ل سەر 18 كەمپان ل پارێزگەها دهۆكێ هاتینە دابەشكرن،ژمارا وی خەلكێ ئاكنجی ل كەمپان (221،189) كەسن و ئاوارێن ژ دەرڤەی كەمپان (325178)كەسن و ب گشتی ژمارا ئاوارەێن دناڤ كەمپان و ژ دەرڤەی كەمپان (514499)كەسن،نێزیكی (100000) كەسان خەلكێ باشیك و بەحزانێ و مەسیحیێن موسلن و ئەوێن دی ژی خەلكێ شنگالێ نە و گۆت:(( رێژا ئاوارەیێن د كەمپان دا 37% و یێن ژ دەرڤەی كەمپان 63% یە)).
زێدەترگۆت:ئەڤ ژمارە و داتایێن هاتینە دیاركرن ژ جڤاتا پشتەڤانیا ئاواران و كارووبارێن مرۆڤایەتی ل پارێزگەها دهۆكێ و رێڤەبەریا گشتی یا كارووبارێن ئێزدیان و لژنا كارووبارێن رەڤاندیان یا ب سەر حكوومەتا هەرێما كوردستانێ ڤە،هاتینە وەرگرتن.
تُتاح هذه الصورة أيضا في: کوردی