پێنگاڤێن پارێزگه‌هبوونا شنگال ده‌ستپێكرن
باسنيوز:
قایمقامی شنگال، ئاشكرای كرد كە هەنگاوەكانی بەپارێزگابوونی شنگال دەستی پێ كردووە و داخوازییەكانیان بۆ لایەنە پەیوەندیدارەكان ناردووە.
ئەمڕۆ شەممە 26/9/2020، مەحما خەلیل، قایمقامی شنگال بە (باسنیوز)ـی ڕاگەیاند، كە سێ پێكهاتەی ناحیەكانی سەر بە شنگال لەگەڵ سەنتەری قەزاكە و ئەنجوومەنی هەرسێ ناحیەكانی گرعوزێر و قەیرەوان و سنوونێ و ئەنجوومەنی قەزای شنگال، بە فەرمی داوایان كردووە شنگال ببێتە پارێزگا، ئەوانیش وەك قایمقامیەتی شنگال ئەو داوایەیان ئاراستەی لایەنی پەیوەندیدار لە مووسڵ كردووە.
ئاشكراشی كرد، كە بە داتا، رووبەری شنگال و ژمارەی دانیشتووان و جوگرافیای ناوچەكە و مێژووەكەشی دەستنیشان كراوە تا شنگال ببێتە پارێزگا، داوای بەپارێزگابوونی شنگال كە بۆ پەرلەمانی عێراق دەنێردرێ، هەركاتێك ئەو بڕیارە درا و بە فەرمی بووە پارێزگا، سەر بە هەرێمی كوردستان دەبێت.
قامیقامی شنگال، ئەوەشی گوت، كە وەزارەتی پلاندانانی عێراق، نووسراوێكی ئاراستەی ئیدارەی شنگال كردووە لە بارەی بەپارێزگابوونی قەزاكەوە، ئەوانیش هەموو پێویستییەكانی بەپارێزگابوونیان بە وەزارەتەكە داوە.
