ره‌وشا ساخله‌ميا بابا شێخ به‌ره‌ف باشتربوونێ ڤه دچت
تۆرا لالش يا راگه‌هاندنێ
پشتى ل شه‌ڤا سێ شه‌مبوويێ 29/9/2020ێ ره‌وشا ساخله‌ميا بابا شێخ لێڤه‌گه‌رێ بلند يێ ئێزديان تێكچۆيى و هاتيه ڤه‌گوهاستن بۆ نه‌خۆشخانا ڤه‌ژین یا تایبه‌ت ل دهۆكێ،لگۆر زانياريێن نۆشداران ره‌وشا بابا شێخ ئيرۆ به‌ره‌ف باشتر بوونێ ڤه چۆيه.
جه‌عفه‌ر سمۆ،رێڤه‌به‌رێ رێڤه‌به‌ریا كاروبارێن ئێزدیان ل دهۆكێ بۆ(تۆرا لالش)دياركر:”ل شه‌ڤا سێ شه‌مبوويێ 29/9/2020ێ ره‌وشا ساخله‌ميا سه‌ماحه‌تا بابا شێخ تێكچۆ و بۆ نه‌خۆشخانا ڤه‌ژین یا تایبه‌ت ل دهۆكێ هاته ڤه‌گوهاستن و لبن چاڤدێريا چردايه ،هه‌تا نهۆ به‌رده‌وام دووڤچۆنا ره‌وشا ساخله‌ميا وى دكه‌ين و هنده‌ك پشكنينێن ديتر بۆ هاتينه كرن و هێشتا ئه‌نجامێن پشكنينان ده‌رنه‌كه‌فتينه و لبن چاڤدێريا چردايه”.
رێڤه‌به‌رێ رێڤه‌به‌ریا كاروبارێن ئێزدیان گۆت ژى بابا شێخ تووشى نه‌خۆشیا گۆلچیسكان بوویه و ره‌وشا ساخله‌ميا وى هنه‌كێ ناله‌باره و لگۆر زانياريێن نۆشداران داينه مه ئيرۆ ژ سبێ وه‌ره ره‌وشا وى به‌ره‌ف باشتربوونێ ڤه دچت و ل هيڤيا ده‌ركه‌فتنا ئه‌نجامێن پشكنيناين و هيڤيا مه ئه‌وه بابا شێخ بزڤرته ره‌وشا خۆ يا جاران.
تُتاح هذه الصورة أيضا في: کوردی
