ب رێیا نڤیسینگەها لالش رۆژانە چەندین شاند سەرەدانا پەرستگەها لالش دكن
تۆرا لالش یا راگەهاندنێ
نڤیسینگەها لالش یا سەرب بنگە
هێ لالش تایێ شێخان ڤە ل ل سالا 2008 ل پەرستگەها پیرۆزا لالش هاتیە ڤەكرن و یابوویە جهێ روونكرن و فەلسەفا ئێزدیاتیێ،ب رێیا ڤێ نڤیسینگەهێ رۆژانە چەندین شاندێن جودا سەرەدانا پەرستگەهێ دكن.
لقمان سلێمان،بەرپرسێ نڤیسینگەها لالش ل پەرستگەها لالش،بۆ رۆژناما دەنگێ لالش گۆت:كارێ ڤێ نڤیسینگەهێ پێشوازیا مێڤانایە بۆ دیاركرنا فەلسەفە و رۆنكرنا ئێزدیاتیێ و جەژن و ژیان و كەسایەتیێن ئۆلی و چینێن ئێزدیان و رێ و رەسمێن ئۆلا ئێزدیان بو هەر كەسەكی سەرەدانا لالشا نورانی بكت،هەروەسا رۆژانە گەلەك شاندێن جۆراو جۆر سەرەدانا پەرستگەهێ دكن ژبۆ نیاسینا ئۆلا ئێزدیان پتریا وان ب رێیا ڤێ نڤیسینگەهێ دئێن وب تایبەت ل رۆژێن ئینیێ پتر ژ پێنچ شاندا سەرەدانێ دكن،ژبەركو پەرستگەها لالش جهێ هەری پیرۆزێ ئێزدیانە،لەوا گەلەك سیاسەتمەدارا سەرەدان كریە وەكی بەرێز (مەسعود بارزانی) سەرۆكێ هەرێما كوردستانێ و (نێچیرڤان بارزانی) سەروكێ حكوومەتا كوردستانێ و(فوئاد معسوم) سەرۆك كۆمارێ عێراقێ و چەندین وەزیرا و پەرلەمانتارا یێن كوردستانێ وعێراقێ و چەندین بالیۆزێن وەلاتان.
ناڤهاتی دیاركرژی ئەو رۆژانە ژ دەمژمێر هەشتی سبەیكێ هەتا هەشتی هێڤاری ل پەرستگەهێ یە ژبۆ پێشوازی كرنا مێڤانا و هەر شاندەكی سەرەدانا لالش دكت ب كەیف و خۆشی دئێت و دچت و سەرەدانێن وان شاندا هەموو دئێنە ئەرشیف كرن وەك وێنە و نڤیسین و كیە و ژ كیژ وان جهی هاتیە و كارێ وی چیە و مەرەما هاتنا وی چیە،گۆتژی ژبۆ راگەهاندنێ ژی دئێتە راگەهاندن وەك رادیو و تلڤزیۆن و رۆژنامە و گۆڤار,دیسان سەبارەت كارەساتا شنگالێ ژی ڤێ نڤیسینگەهێ گەلە ك هاریكاریا ئاوارەیان كر ژبۆ پێشوازیێ و هەڤكاری دگەل ریكخراوێن خێرخوازی و ب تایبەتی دەزگەهێ خێرخوازیێ بارزانی بۆ دابینكرنا كەل و پەلێن خوارنێ و خیڤەتگەه و هەموو پێتڤێن رۆژانە،دووپاتكر ژی كو ئەڤ نڤیسینگەهە یا بەردەوامە دكارێ خۆ دا بۆ هەر پێزانینەكێ ل دۆر ئێزدیاتیێ و پەرستگەها لالش.
بەرپرسێ نڤیسینگەها لالش دا زانین ئەڤ نڤیسینگەهە نۆكە سەر ب دەستەیا بلندا بنگەهێ لالش دهۆك ڤەیە،ژبەركو خزمەتەكا مەزن پێشكێشی شاندێن سەرەدانا پەرستگەهێ دكن كریە.
تُتاح هذه الصورة أيضا في: کوردی
