ئاوارێن كەمپا خانكێ داخوازا هاریكاریان دكن
تۆرا لالش یا راگەهاندنێ
ئاوارێن كەمپا خانكێ ماوێ پێنج سالایە ژیانا خۆ ل ناڤ خیڤەتان دا دبۆرینن،دگەل دەستپێكرنا وەرزێ زڤستانێ داخوازا هاریكاریێن هەمەجۆر دكن و دخوازن شنگال بێتە ئاڤەدانكرن و ڤەگەرنە سەر جی و وارێن خۆڤە.
(نایف شەمۆ)ئاوارەیەكێ خەلكێ شنگالێ یە ل كەمپا خانكێ بۆ رۆژناما دەنگێ لالش دیاركر،ئاوارێن كەمپا خانكێ پێتڤی ب كەلوپەلێن زڤستانێ نە ب تایبەت ژی گازا سپی،هەروەسا خیڤەتێن ئاواران ل كەمپێ كەڤن بووینە و ژ مێژە نەهاتینە گهۆرین و دخوازین بێنە گهۆرین.
ژلایەكێ دی ڤە ئاوارە(یاسر سالح) بۆ رۆژناما دەنگێ لالش دبێژت: ئەڤە پێنج سالە خەلكێ شنگال ئاوارە و دەربەدەرن و ژیانەكا ب زەحمەت ل ناڤا كەمپان دا دبۆرینن،ل كەمپا خانكێ ژی ئاوارە پێتڤی ب هاریكاریێن هەمەجۆرن،لەورا ئەم داخواز دكن جارەكا دی دەست ب ئاڤەدانكرنا شنگال بێتە كرن و ڤەگەرینە سەر جی و وارێن خۆ ڤە و ژ ژیانا ئاوارەیێ قورتال ببن.
تُتاح هذه الصورة أيضا في: کوردی
