پێكڤە دا كار بكەین ل كوردستانێ بۆ مانا پێكڤەژیانێ
مەهدی حەسەن موراد
هەر ژ كەڤندا كوردستان لاندكا پێكڤەژیانێ ولێبورینێ ودادپەروەریێ بوویە،لەوا ژی ئەڤ كێم نەتەوە وئایینێن كوردستانێ هەر دەم سەرفەراز ژیاینە ،جهێ خۆ ل كوردستانێ دیتینە وباوریەكا موكوم پێكڤە هەبوویە،سەرەرایی گەلێ كوردستانێ ل بن دەستیێ و زوڵم و زۆرداریێ ژیایە،بەس گەلێ كوردستانێ ب هەموو پێكهاتێن خۆ ڤە جوانترین وسەرنجراكێشترین نموونا پێكڤەژیانا ئایینی و نەتەوەیی بینە،ژبەر ڤێ چەندێ مللەتێ كورد هەر ژ كەڤن دا داكۆكی كریە فەرە ئایینی و نەتەوەیێن جودا جودا ل كوردستانێ هەبن ،ئەڤ چەندە ژی وەكی فەرهنگەكا كلتوری لێ هاتبوو دناڤ پێكهاتێن گەلێ مەدا،دیسا ئەركەكە ل سەر مللێن مە ئەم بتر خۆ ماندو بكەین بۆ درێژەدان ب وێ پێكڤەژیانا هەی جوداهییەكێ دیاربكەین دناڤ بەرا مە ودوژمنێن مەدا ئەو خۆسپاندنێ و بێریزیا بەرامبەر گەلێ مە یێ كوردستانی هاتییە كرن زوڵمەك بوو دەرهەقی گەلێ كورد.
پشتی هاتنا داعش وبەلاڤبوونا هزرێن توند ڕەو یێن پارتێن ئیسلامی و تائیفی ل ڕۆژهەلاتا ناڤین ب گشتی و عیراقێ ب تایبەت وپێلا خرابكاریێ وتوند ڕەویێ گەهشتیە كوردستانێ ژی د رێیا داعش دا،چەند ناوچێن كوردستانی كەفتنە بەر هێرشێن وان وبشێوەیەكی هۆڤانە كارێن نە مرۆڤایەتی دەرهەقێ كوردێن ئێزدی هاتن ئەنجامدان و مەسیحێن موسل وشەبەك و توركمان و كاكەیی ژ سەر ملك و ئەملاكێن وان دورئێخستن ، ژبلی كوشتن و گرتن و سەربرین و تالانكرن وزولم و زۆرداریا كرین بناڤێ دەولەتا ئیسلامی ،ئەڤ تاوانێن ئەنجامداین بوو مەترسیەك مەزن كەفتیا دلێ كێم نەتەوە وئاینێن كوردستانێ و ئەو باوەری و پێكڤەژیانا هەیی لەنگ بیە ونەمایە بێ ئومێدیەك كەتیا دلێ واندا،تایبەت پشتی روودانێن داعش،ئەڤە ژی دگەرێت بۆ ئەڤ تاوانێن دەرهەقی كەمینە ئەنجام داین،ژبەركو زولمەكا زۆر ل ئێزدیێن شنگالێ هاتە كرن ل پێ ناڤێ ئولی نەخاسمە پشتی رەڤاندنا كچ و ژنێن ئێزدی و كرین و فرۆتنا وان ل سوك قەیسیریا وبێ هەتك كرنا ناموسا كچێن كەفتینە بەر دەستێ وان ،هێدی باوەریی نەمایە جارەكا دی پێكڤە كار بكن یان پێكڤەبژین، ژبەر ڤێ چەندێ رێژەكا زۆر ژ ڤان ئایین و نەتەوە بەرەف وەلاتێن بیانی ڤە دچن و یێ وەلاتێ خۆ دهێلن ،دگەل هندێ دا وەلاتێن ئەوروپی ژی یێ هەولێن رێكخۆشكرنا ڤان ئۆل و نەتەوەیێن كەڤنار دەن بینە وەلاتێن وان دا بینە پاراستن ژ دەستێ تیرۆرستا و رێكخراوێن تونرەو یێن ب ناڤێ ئایینی هەول دەن قركرنا وان بدەن.
جهێ داخێیە ئەڤ ئایین و نەتەوەیێن كەڤنار وهەزارەها سالا پێكڤە دژین بێی جوداهی وهەر ئاینەك ونەتەوەك وتائیفەكا هەیی بەرەڤانی ژ وەلاتێ خۆ دكرن بێ چ جوداهی،نۆكە ژی وارێ باب و باپیرێن خۆ بهێلن ئەڤ خزمەت وكەدا سالاهە سالان ب ئاڤێ دابچت ژبۆ ژیانەكا بەختەوەر و پەیداكرنا جهەكی لێ ئاكنجی بن و وەلاتێ خۆ چۆلكن سەیرە،ئەڤ گروپێ توند رەویێ ب ناڤێ داعش كاریگەریەكا مەزن ل سەر پێكڤە ژیانێ كر ژبەر كارێن تیرۆری دەرهەقی هەر كێم نەتەوەیەكێ یا ئاینەكی ئەنجام دایی بوو مەترسی ل سەر هەموو كێماتێن هەیی ل دەڤەرێ ،لێ هەرێما كوردستانێ ب جڤاكەكی خودان كەلتورێ لێبۆرین و پێكڤەژیانا نەتەوەیی و ئایینی ناسیارە ،دێ پلانێن چەپەلێن تیرۆرستان بگرن و دئەنجامدا كوردستان هەر سەقامگیربت وپێكڤەژیان هەر دێ هەبت،ل داویێ گازی دكەین هەر دەم ب ئێكگرتی بمینین وهزرا توندرەوی وڤایروسێ تیرۆرێ ئاخ و باوەریا پێكڤەژیانا مە پارچە پارچە نەكت و ئەم هەموو كارەكی رژد بكەین ،ژبۆ بهێزكرنا باوەریەكا موكم دناڤبەرا هەموو پێكهاتێن جڤاكی وئێكگرتنەكا دروست پەیدابت ،ژبۆ بەرنگاربوونا تیرۆرێ و ژناڤبرنا داعش و پەیداكرنا ئاشتی و تەناهی ونەمانا جوداهیێ دناڤ بەرا پێكهاتێن هەین ل كوردستانێ وباوەریەكا موكم بێتە پەیداكرن،كو ئەم هەموو خودانێن كوردستانێ ینە ودڤێت بەرەڤانیێ ژ ئێك و دوو بكن وهەر كەمینەكا هەی ب هەبوونا خۆ شاد بت،پێكڤەژیانا ل كوردستانێ هەی درێژە پێ بێتە دان وئەڤ كەلتورێ رەوشەنبیری وڕەنگا وڕەنگ دناڤ گەلێ كوردستانێ دا هەر هەبت نەكەڤنە بن هزرێن ژەنگكرتی وپاشكەفتی ژبۆ نەمانا پێكڤەژیانێ.
تُتاح هذه الصورة أيضا في: کوردی
