كونفرانسێ پالپشتيكرنا دانوستاندنا لێبورينا ئاينى
ئيرو رێكەفتى 21/6/2014 ولدەم ژمێر (10) سپێدێ ديدارەكا ڤەكرى ل هۆلا سەنتەرێ رەوشنبيرى ل زانكويا دهوكێ بابەت ل سەر ( پالپشتيكرنا دانوستاندنا لێبورينا ئاينى) ژلايێ سەنتەرێ مانونايت يا ناڤەندى يا چارە سەركرنا ململانێ وئاشتێ. كونفرانسەك هاتە ئەنجام دان ب ئامادەبوونا سەروكێ زانكوا دهوكێ و چەندين ورەوشنبيرا ولژنا ڤەكولينا و پەيوەنديا ل بنگەهێ لالش و زەلامێ ئاينى يێن كوردستانێ ( موسلمان وئێزدى ومەسيحى و بەهائى). ب ئامەدەبوونا چەند كە نالێن راگەهاندنێ كونفرانس ب رێڤەبەريا خدر دوملى بوو.
پەيڤا سەروكێ زانكويا دهوكێ هاتە خواندن ژ لايێ پ.د. مسلح دهوكى ڤە دپەيڤا وى دا هاتە گۆتن: گرنگى دان ب كاو دانێت ئيرو يێ كوردستان تێرا دبورێت وداكوكى ل پێكڤە ژيانێ ومكومكرنا پەيەنديا دگەل ئێك و دوو.
لدويفدا پەيڤا لژنا مانونايت يا ناڤەندى بەرێز (جيم فاين)گوتن : وتێدا بەحسێ ڤان جورێن كومبوونا ولێبورين كر ودێ بەردەوام هاريكار بن بۆ گێرانا ڤان جورێن ديدارا كەن ژ بۆ بەرژوەنديا خەلكێ كوردستانێ.
لدويف دا روينشتنا ئێكێ: پالپشتيكرنا هەڤپشكيێن دناڤبەرا ئاينان دا- تێگەهێن مروڤاتيێ ب رێڤەبرن – دز اسماعيل بامرنى ب رێڤە چوو.
سمينارا ئێكێ: تێگەهێ مروڤاتيێ د ئيسلامێ دا ژ لايێ مەلا تاهر ريكانى دەست پێ كر وگوت: بەحسێ لايانێ مروڤاتێ د ئاينێ موسلمان دا كا چاوا هاتيە گوتن دقورئانا بيروز دا ب چەند ئايەتێن قورئانێ وحەديسا ولێبورينێ هاتە كرن وداخواز كر ئەڤ تەباى مكومتر بيت ل كوردستانێ و هەر تم كوردستان جهێ پێكڤە ژيانێ بوو يە وئەڤرو باشترين نموونە ئەم گشت پێكڤە كومبوونە ل ڤێرێ.
سمينارا دووێ: هاتە پێشكێشكرن ژ لايێ كوڤان خانكى ڤە ل سەر تێگەهێ مروڤاتيێ د ئاينێ ئێزدياتيێ دا وگوت: رەهو ريشالێن ئێزدياتێ د زڤرايدنە ئاينێ كەڤنێ كوردانە و ب سروشت ڤە يێ گرێدايە وبەحسێ رەفتارێن ئێزدياتى كر د ئاينێ ئێزديان دا و بێ فرق و جوداهى وچاوا بەحسێ مروڤاتى د قەول وبەيتان دا هاتيە كرن وگوتك دوعا ودروزێن ئێزديان داخوازا خێرێ ژ گشت خەلكێ را دكەت ل دوماهيكێ مەژى دناڤ دا بسترينيت وگوت د ئێزدياتيێ دا دبێژيت خێرا دەمێ تو د دى نەبێژە تو ژ كى دينى وبەحسى سزا دانێ دئاينێ ئێزدياتيێ دا گوت: دەمێ يەك شاشيێ دكەت نابيت مروڤێن ئاينى سزا بدەن مروڤ خودێ دايە وى ب تنێ ماف هەيە مەرگێ وى ببت و بەحسێ مكومكرنا پێكڤە ژيانا ل كوردستانێ كر وگوت دڤيا ئەم هەمووا يەك بن وگيانێ لێبورينێ مە هەبيت وبەحسێ يەكەتيا خودێ ومەلائكەتا كر ودڤيا گشت رێزگرتنێ ل ئێك ودوو بگرن و پەيونديا مكوم بن ورێك نەئێتە دان بو كەسێن نەفس زەعيف مەرمێن خۆ ب جيبينن .
سمينارا سيێ: هاتە پێشكێشكرن ژ لايێ د. نسيم سادق ڤە ل سەر تێگەهێ مروڤاتيێ دئاينێ كريستيانيێ دا وگوت: بەحسێ پێكڤە ژيانێ ولێبورينێ لناڤ پێك هاتێن كوردستانێ كر وروحێ تسامحێ ل جەم مەسيحيا وگوت دڤيا ئەم ب كريار ڤێ ليبورينێ و مروڤاتيێ بكەن وئەم دەست پێ بكەين ل قوتابخانا ولناڤ جڤاكێ سڤيل ومكومكرن وئەنجام دانا بەردەوام يا ڤان جورێن كور وسمينارا وئە بتر هان بدەن خەلك بەشداربيت د ڤان چالاكيا دا .
لدويفدا ماموستا كەرمل عقيل ژ ئاينێ بەهائيا ئاخڤى وبەحسێ لێبورينێ وپێكڤە ژيانێ ل كوردستانا ئازاد كر و گوت ئەم بێ خوش حالبوون كۆ جارا ئێكێ يە ئامادەدبن ل ڤان جورێن كونفرانسا گوت: ئەم هەمووا پێكڤە رێزێ ل هەڤدو بگرن دا ئەم بكارن رێكێ ل توند رەوا بگرن وسەركەفتنێ بينن د وارێ مروڤاتيێ وگيانێ لێبورينێ دا.
لدويفدا سەروكێ زانكوا دهوكێ داخوازا لێبورينێ كر ژ ئامادەبوويا كو دێ كونفرانس بجيهێليت چونكوو كارەكى فەر هەيە. گوت هەر دەم ئەم وەك زانكويا دهوكێ د ئامادەينە بۆ خزمەتا گەلێ خو ب ڤان جورێن كونفرانسا وپالپشتيا خو دياركر و داخوازا سەركەفتنێ بو ئامادەبوويا خواست.
روينشتنا دووێ: پالپشتيكرنا دانوستاندنا ئاينان:
روينشتنەكا ڤەكرى ل دور ميكانيزمێن يالپشتيكرنا دانوستاندا ئاينى لدور ڤان تەوەرێن ل خوارێ:-
– هەلسنگاندنا پەيوەنديان دناڤ بەرا پێكهاتێن ئاينيێ ل هەرێما كوردستانێ .
– ئاسويێن گەشەپێدانا دايەلوكا ئاينى ل هەرێما كوردستانێ ب گشتى و دەڤەرێ ب تايبەتى.
– ئاستەنگێن ل پێشيا بەرقراركرنا لێبورينا ئاينى ل دەڤەرێ.
دانووستاندن ل سەر ڤان تەوەرا هاتە كرن وبەحسێ هەلسەنگاندنێ هاتە كرن كا هەتا چ رادەيەكى هاتيە جێ بە جێ كرنە وچ ئاستەنگ هەنە وچ بێتە كرن بۆ ڤێ چەندێ دا ئاستەنگ نە مينن و چارەسەرى بێتە كرن.
ب تێر و تەسەر دانوستاندن وبيرو بوچوون هاتنە تاوتيل كرن وناڤێن خوبەخشێ ڤان جورێن چالاكيا هاتنە توماركرن و راگەهاندن كو پشتى هەيڤا رەمەزانێ دێ كومبوونەكا دى ئێتە كرن، بۆ زانين ئەڤەكونگرێ سێێ يە دئێنە گێران.
ئامادەبوويى ناڤێن وان لخوارێ بەشدارى د دانوستاندنێ دا كرن ئەز داوا لێبورينێ دكەم ئەگەر من ناڤێ هندەكا نەزانيبيت (د. حميد باڤى- د. ممو فرحان – مەلا نزير – مەلا تاهر- كەرمل عەقيل- شێخ علو- د. مسلح دهوكى- ماموستا جانێت- -خدر دوملى -اياد خانكى – حجى مغسو – كوڤان خانكى – شێخ دەشتى – د.نسيم سادق – على الرشيدانى وهندەك كەسێن دى ژى بەشداربوون .كونفرانس بۆ ماوێ رۆژەكێ بوو هەتا دەم ژمێر ئێك وچارێكەك پشتى نيڤرو بوو. .
ئەندامێ لژنا ڤەكولينا / بنكەهێ لالش
حجي مغسوحسو
21/6/2014
تُتاح هذه الصورة أيضا في: العربية